n Atabəylər və Şirvanşahlar dövlətinin tərkibinə daxil idi.
XIII əsrdə Qaxın ərazisi Hülakilər dövlətinin tərkibinə daxil olduqdan sonra onun cənub torpaqlarına türk-
monqol tayfalarının köçü başlamışdır.
1562-ci ildə Səfəvi hökmdarı Şah I Təhmasibin fərmanı ilə Qaxın şimal ərazisi iri feodal, saxurlu Adı
Görklü bəyə verilmişdir. Bununla da İlisu sultanlığının əsası qoyulmuşdur.
XVIII əsrin ortalarında İlisu sultanlığının nüfuzu o qədər yüksəlmişdir ki, Osmanlı imperiyası İlisu sultanı
Əli Sultan bəyə o dövr üçün yüksək rütbə sayılan «İki Sancıqlı» paşa titulu verərək onu Şəki bəylərbəyi kimi
tanımışdır.
1803-cü ildə İlisu sultanlığı Rusiya imperiyasının tərkibinə daxil edilmişdir. Sultanlığın hakimi Daniyal
sultan 1844-cü ildə rus hakim dairələri ilə əmələ gələn narazılıqdan sonra üsyan edərək sultanlığın əhalisini
ruslara qarşı qaldırmışdır. İlisu kəndi yaxınlığında məğlubiyyətə uğrayan Daniyal sultan dağlıların milli-azadlıq
hərəkatının rəhbəri Şeyx Şamilin tərəfinə keçərək mübarizəni davam etdirmişdir. Ruslar sultanlığın mərkəzi
olan İlisu kəndini yandırdıqdan sonra sultanlığın ərazisi mahallara bölünmüş və Car-Balakən dairəsinə tabe
edilmiş, çar Rusiyanın müstəmləkəsi olmuşdur.
Kütləvi informasiya vasitələri haqda məlumat
İctimai-siyasi qəzet olan «Şəlalə» 1931-ci ildən çıxır. Qəzet ayda iki dəfə çıxmaqla ildə 24 sayı çap olunur.
Azərbaycan və gürcü dillərində çıxan yeganə qəzet - «Şəlalə» qəzeti öz fəaliyyətində respublikamızda və
rayonda həyata keçirilən məqsədyönlü tədbirləri və görülən işləri əks etdirir.
Rayonda radio verilişləri redaksiyası 50 ildir fəaliyyət göstərir. 1980-ci illərin əvvəllərindən Azərbaycan və
gürcü dillərində verilişlərini təşkil edir.
Avtomobil, dəmir yolları haqda məlumat
Qax rayonunun ərazisində respublika əhəmiyyətli 104 km uzunluğunda avtomobil yolları mövcuddur.
Xaldan-Göybulaq-Zaqatala avtomobil yolunun rayon ərazisindəki uzunluğu 29 km-dir. Yolun örtüyü asfalt
betondur, torpaq yatağının