eni 12 m gediş-gəliş, hərəkət hissəsi 7 m-dir. Yolda uzunluğu 208,5 m olan 17 ədəd
körpü, 536 m olan 41 ədəd su ötürücü boru vardır. Avtomobil yollarından başqa rayonun ərazisindən 1985-ci
ildə istifadəyə verilmiş dövlət əhəmiyyətli 27 km uzunluğunda dəmir yolu xətti keçir. Mövcud dəmir yolu
xəttinin üzərində 1 əsas stansiya (Qax stansiyası) və 1 sərnişin dayanacaq məntəqəsi fəaliyyət göstərir. Ərazidən
keçən dəmir yol xəttində 11 ədəd keçid yeri, 67 ədəd suvarma kanalları keçidləri mövcuddur.
Tarixi və memarlıq abidələri haqda məlumat
Qax rayonu tarix və memarlıq abidələri ilə zəngindir. Rayonda 56 memarlıq, 10 arxeoloji və 35-ə yaxın
qəbirüstü abidələr qeydə alınmışdır. Mövcud abidələr və başqa tikililər əsasən mürəkkəb memarlıq həlli ilə
seçilir. Tikililərdə yerli inşaat materiallarından « çay daşı, kirəmit, kərpic, əhəng və sair istifadə olunmaqla
bənna, dülgər, şəbəkəçi, xarrat və sair sənətkarların birgə əməyi ilə görülmüşdür. Rayonda ən qədim tarixi və
memarlıq incəsənət abidələrindən aşağıdakıları misal göstərmək olar.
- erkən orta əsrlər dövrünə aid edilən ən qədim yaşayış məskəni Əyri çayın Qanıx çayına tökülən
ərazisindədir. Bu şəhər xarabalığı elmi ədəbiyyatda «Torpaqqala» adlanır.
- Güllük kəndi yaxınlığında «Pəri» qalası III-IV əsrə aiddir.
- Ləkit kəndi yaxınlığında Alban məbədi.
- Qum kəndində olan Qum məbədi V əsrin sonlarında inşa edilən abidələrdəndir.
- İlisu kəndində olan «Cinli qala», «Sumuk qala», «Həsən xan» qalası, «Qalaça» adlanan abidələr VII - IX
və XVII-XVIII əsrlərdə inşa edilmişdir.
- Əmbərçay kəndi ərazisində yerləşən XVIII əsrə aid Kürmük məbədi-kilsəsi. Rayon mərkəzində
ümummilli lider Heydər Əliyevin abidəsi