Qax rayonu
Yaranma tarixi - 08.08.1930
Ərazisi – 1,49 min kv. km
Əhalinin sayı - 57,2 min nəfər (1 yanvar, 2020-ci il)
Əhalinin sıxlığı – 1 kv. km 38 nəfər (1 yanvar 2020-ci il)
Şəhər - 1
Kəndlərin sayı – 58
Qax rayonu ilə Bakı arasında olan məsafə - 345 km.

Ümumi məlumat

Qax rayonu 1930-cu ildə təşkil edilmişdir. 1963-cü ildə ləğv edilərək Zaqatala rayonuna birləşdirilmiş,
1964-cü ildə yenidən bərpa olunmuşdur. Böyük Qafqazın cənub yamacında yerləşir. Şimal-şərqdən Rusiya
Federasiyası, cənub-qərbdən Gürcüstan ilə həmsərhəddir. Mərkəzi Qax şəhəridir.
Rayona Qax şəhəri və Sarıbaş, Cəlayer, İlisu, Ağçay, Qaradolaq, Qax İngiloy, Qaxbaş, Böyük Alatəmir,
Kiçik Alatəmir, Meşəbaş, Uzuntala, Xələftala, Keşqutan, Qımırlı, Qarameşə, Bağtala, Əmircan, Ə-bərçay,
Qaratala, Qum, Çinarlı, Suskənd, Fıstıqlı, Ləkit, Ləkit Kötüklü, Ləkit Malax, Zərnə, Güllük, Qapıçay, Tasmalı,
Lələpaşa, Qarabaldır, Zəyəm, Lələli, Qındırğa, Qorağan, Şotavar, Almalı, Dəymədağlı, Şıxlar, Turaclı, Marsan,
Cudulu, Əlibəyli, İngiloy Kötüklü, İbaxlı, Qıpçaq, Qaysarlı, Amanlı, Oncallı, Baydarlı, Qazmalar, Tanqıt,
Ağyazı, Üzümlükənd, Qaşqaçay, Armudlu, Aşağı Malax kəndləri daxildir.
Rayonun şimal və şimal-şərq hissəsi Baş Qafqaz silsiləsinin cənub yamacına, mərkəzi hissəsi Qanıx-
Həftəran vadisinə, cənub və cənub-şərq hissəsi Acmohur ön dağlığına daxildir. Ərazisinin hündürlüyü Acınohur
gölü sahilində 100 m-dən Baş Qafqaz silsiləsinin yal hissəsində 3480 m-ədək (Ahvay dağı) dəyişir. Rayonda
Yura, Tabaşir, Neogen və Antropogen çöküntüləri yayılmışdır. Kvars, polimetal, inşaat materialları, mineral
sular və s. faydalı qazıntılar vardır. İqlimi mülayim isti və yarımrütubətli subtropik, yüksək dağlıqda soyuqdur.
Orta temperatur yanvarda -10°C-dən 2°C-yədək, iyulda 5°C-dən 26°C-yədəkdir. İllik yağıntı 300-1600 mm-dir.
Ərazidən axan Kürmük, Əyriçay və s. çayları rayonun Gürcüstanla sərhədindən axan Qanıx çayı hövzəsinə
aiddir. Çimli dağ-çəmən, qonur dağ-meşə, allüvial