Qazax rayonu
Yaranma tarixi - 08.08.1930
Ərazisi - 0,70 min kv. km
Əhalinin sayı - 98,4 min nəfər (1 yanvar, 2020-cı il)
Əhalinin sıxlığı – 1 kv. km 141 nəfər (1 yanvar 2020-cı il)
Şəhər - 1
Kəndlərin sayı – 34
Qazax rayonu ilə Bakı arasında olan məsafə - 470 km

Ümumi məlumat

1930-cu il avqustun 8-də Qazax rayonu yaradılmış, 1939-cu il yanvarın 24-də bir hissəsi yeni yaradılan
Ağstafa rayonuna verilmişdir. 1959-cu il dekabrın 4-də Ağstafa rayonu Qazax rayonundan ayrılmışdır.
Respublikanın qərbində Kiçik Qafqazın şimal ətəklərində yerləşir. Şimal-şərqdə Gürcüstan, cənub və cənub-
qərbdə Ermənistan Respublikası ilə həmsərhəddir. Mərkəzi Qazax şəhəridir.
Rayona Qazax şəhəri və Aslanbəyli, Aşağı Salahlı, Yuxarı Salahlı, Daş Salahlı, Birinci Şıxlı, İkinci Şıxlı,
Qaymaqlı, Kəmərli, Kosalar, Xanlıqlar, Yuxarı Əksipara, Ağköynək, Qarapapaq, Hüseynbəyli, Canalı, Alpout,
Abbasbəyli, Aşağı Əksipara, Xeyrimli, Bağanis Ayrım, Barxudarlı, Sofulu, Dəmirçilər, Ürkməzli, Cəfərli, Bala
Cəfərli, Quşçu Ayrım, Məzəm, Orta Salahlı, Qazaxbəyli, Fərəhli, Qızılhacılı, Çaylı, Kommuna kəndləri
daxildir.
Səthi, əsasən, düzənlikdir (Gəncə-Qazax düzənliyi). Rayonun cənub və cənub-qərb hissəsi alçaq dağlıqdır.
Bu hissədə hündürlüyü 1300 m-ə (Odundağ) çatır. Məşhur Göyəzən dağı buradadır. Rayonun ərazisində
Tabaşir, Paleogen, Neogen və Antropogen çöküntüləri yayılmışdır. Faydalı qazıntıları: qızıl, seolit, vulkan külü,
mişar daşı, bentonit gili, çınqıl, qum, sement xammalı və s. İqlimi mülayim istidir. Qışı quraq keçir. Orta
temperatur yanvarda - 5°C-dən 0°C-yədək, iyulda 18-24,5°C-dir. İllik yağıntı 350-700 mm-dir. Kür çayı, İncəsu,
Ağstafa və Xram çayları rayonun ərazisindən axır. Ağstafa çayı üstündə su anbarı (Ağstafaçay su anbarı)
yaradılmışdır. Əsasən, dağ-şabalıdı, dağ-boz-qəhvəyi, şabalıdı, açıq şabalıdı və qismən karbonatlı qəhvəyi dağ-
meşə torpaqları yayılmışdır. Yovşanlı-şoran-otulu yarımsəhra və çöl bitkiləri, rayonun Kiçik Qafqaza aid olan