Qəbələ rayonu
Yaranma tarixi - 08.08.1930
Ərazisi - 1,55 min kv. km
Əhalinin sayı – 107,8 min nəfər (1 yanvar, 2020-ci il)
Əhalinin sıxlığı – 1 kv. km 70 nəfər (1 yanvar 2020-ci il)
Şəhər – 1
Qəsəbə - 3
Kəndlərin sayı – 60
Qəbələ rayonu ilə Bakı arasında olan məsafə - 225 km.

Ümumi məlumat

1930-cu ildə Qutqaşın rayonu yaradılmışdır. 1991-ci ilin martında rayonun adı dəyişdirilərək rayon
ərazisində yerləşən qədim Qəbələ şəhərinin adı ilə adlanmışdır. Böyük Qafqazın cənub yamacındadır. Şimaldan
Rusiya Federasiyası ilə həmsərhəddir. Mərkəzi Qəbələ şəhəridir.
Rayona Qəbələ şəhəri, Vəndam, Nic, Bum qəsəbələri və Küsnət, Əmirvan, Bayramkoxalı, Qəmərvan,
Qaymaqlı, Böyük Pirəli, Kiçik Pirəli, Soltannuxa, Bunud, Həzrə, Seyidqışlaq, Məmmədağalı, Hacıalılı, Böyük
Əmili, Mamaylı, Çarxana, Şəfili, Şamlı, Ovcullu, Həmzəli, Cığatelli, Xırxatala, Dizaxlı, Sarıhacallı, Yeni
Dizaxlı, Zalam, Mollaşıxalı, Kiçik Əmili, Zarağan, Daşca, Aydınqışlaq, Quşlar, Bəyli, Savalan, Kürd,
Qaradeyin, Laza, Sırt Yengicə, Məlikli, Bılıx, Siləyli, Mirzəbəyli, Corlu, İmamlı, Mıxlıqovaq, Solquca,
Kötüklü, Tikanlı, Abrix, Uludaş, Yemişanlı, Dandıx, Tüntül, Nohurqışlaq, Yengicə, Çuxur Qəbələ, Zirik, Tövlə,
Bum, Zərgərli, Yenikənd, Topbağ kəndləri daxildir.
Relyefi, əsasən, dağlıqdır. Ərazisinin şimal hissəsi Baş Qafqaz silsiləsinin cənub yamacına, mərkəzi hissəsi
Qanıx-Həftəran vadisinə, cənub hissəsi isə Acmohur öndağlığına daxildir. Ən yüksək zirvələri Bazardüzü (4466
m), Bazaryurd (4126 m) və Tufandır (4191 m). Ərazisinin şimal hissəsində Yura, Tabaşir, mərkəzi və cənub
hissəsində isə başlıca olaraq Antropogen çöküntüləri yayılmışdır. Gil yatağı və mineral bulaqlar var. İqlimi
aşağı hissədə qışı quraq keçən mülayim isti, yüksək dağlıqda isə soyuq və rütubətlidir. Orta temperatur yanvarda
-14°C-dən 0°C-yədək, iyulda 2°C-dən 24°C-yədəkdir. İllik yağıntı 500-600 mm-dir. Əsas çayları Türyan və
Dəmiraparandır. Çimli dağ-çəmən, qonur dağ-meşə, allüvial çəmən-meşə