və s. torpaqlar yayılmışdır. Şimalda
alp və subalp çəmənlikləri, dağ meşələri (palıd, fıstıq, vələs), mərkəzi hissədə kollu və seyrək meşəli
çəmənliklər, cənubda isə yovşanlı və yovşanlı-şoranotulu yarımsəhra bitkiləri, kserofit seyrək meşəliklər geniş
sahə tutur. Heyvanları: nəcib maral, vaşaq, meşəpişiyi, dələ, süleysin, yenot, canavar, tülkü, boz dovşan,
çöldonuzu və s. Quşları: ular, qırqovul, kəklik, turac, göyərçin və s. Qəbələ yasaqlığı rayonun ərazisindədir.
Rayonun iqtisadiyyatının əsasmı heyvandarlıq, taxılçılıq, tütünçülük və meyvəçilik təşkil edir. Rayonda iri
dövlət müəssisələri - "Qəbələ-Tütün", "Qəbələ-Kəndkimya", "Qəbələ-Sənaye-İstehsal", "Qəbələ-Aqrotexservis"
ASC-ləri, Qəbələ balıqyetişdirmə zavodu, Qəbələ Meşə Mühafizəsi və Bərpası İdarəsi, Qəbələ Suvarma
Sistemləri İdarəsi, Qəbələ telekommunikasiya qovşağı, özəl müəssisələr və s. var.
Qəbələ rayonu indiki rayon mərkəzindən 20 km cənub-qərbdə yerləşən IX əsrdə Qafqaz Albaniyasının
paytaxtı olmuş Qədim Qəbələ şəhərinin adını daşıyır. Qədim Qəbələ dünyanın Babil, Troya, Pompey kimi
qədim və məşhur şəhərlərilə müqayisə ediləcək dərəcədə mühüm, siyasi-iqtisadi və ticarət mərkəzlərindən biri
olmuşdur. Qədim şəhərin qala və giriş darvazalarının, bəzi binaların qalıqları indi də qalmaqdadır. Antik dövrə aid böyük binaların qalıqları, qala divarları və maddi mədəniyyət abidələri Qəbələnin çox möhtəşəm bir şəhər
olduğunu sübut edir.
Qədim Qəbələ eramızdan əvvəl IV əsrin sonu III əsrin əvvəllərində şəhər kimi meydana gələrək eramızın
XVIII əsrinin ortalarına qədər yaşamışdır. Bu müddət ərzində şəhərin həyatında böyük dəyişikliklər baş
vermişdir. Müxtəlif tarixi hadisələrlə əlaqədar şəhər bir neçə dəfə dağıntılara məruz qalmışdır.
Eramızdan əvvəl 60-cı illərdə Roma qoşunları Albaniyaya hücum etsələr də, Qəbələni işğal edə
bilməmişlər. Sasanilər dövründə Qəbələ çox böyük ticarət və sənətkarlıq mərkəzi olmuşdur. Xilafət dövründə də
Qəbələ ticarət və sənətkarlıq mərkəzi kimi