i əhəmiyyətini qoruyub saxlamışdır. XIII əsrdə Monqolların hücumu
zamanı Qəbələ tənəzzülə uğrasa da, sonralar yenidən dirçəlmişdir. XVIII əsrin ortalarında Qəbələ öz əvvəlki
əzəmət və əhəmiyyətini itirmiş, əhali tədricən buradan köçmüşdür.
XVIII əsrin ortalarında Qəbələ ərazisində kiçik feodal dövləti olan Qutqaşın sultanlığı yaradılmışdır.
Qutqaşın sonralar mahal kimi Şəki xanlığının tərkibinə daxil olmuş, Şəki xanları tərəfindən təyin olunan naiblər
tərəfindən idarə edilmişdir.
Şəki xanlığının süqutundan sonra Qutqaşın mahal kimi Şəki qəzasının tərkibinə daxil olmuşdur.
Kütləvi informasiya vasitələri haqda məlumat
Rayonda «Qəbələ» adlı qəzet nəşr olunur.
«Qəbələ» qəzeti 1933-cü ildən nəşr olunur. Qəzet əvvəllər «Bolşevik mübarizi» (1933 -1952), «Mübariz»
(1953 -1962), «Yeni həyat» (1963 -1965), «Qalibiyyət» (1966 -1990) adları ilə buraxılmışdır. 27 noyabr 1990-cı
ildən qəzet «Qəbələ» adı ilə nəşr olunur. «Qəbələ» qəzetinin təsisçiləri Qəbələ Rayon İcra hakimiyyəti və
redaksiya kollektividir. Qəzet ayda iki dəfə nəşr olunur.
Avtomobil, dəmir yolları haqda məlumat
Qəbələ rayonunun ərazisindən keçən III kateqoriyalı Qaraməryəm-İsmayıllı-Şəki avtomobil yolunun
uzunluğu 48 km, III kateqoriyalı Ağdaş-Zarağan avtomobil yolunun uzunluğu isə 33 km-dir.
Beləliklə, Qəbələ rayonunun ərazisindən keçən avtomobil yolları III kateqoriyalı olmaqla ümumi uzunluğu
81 km-dir.
1. Qaraməryəm-İsmayıllı-Şəki - 47-94 km. III kateqoriya 48 km.
2. Ağdaş-Zarağan -11-43 km. III kateqoriya 33 km.
Tarixi və memarlıq abidələri haqda məlumat
Azərbaycan Respublikası Nazirlər Kabinetinin 2 avqust 2001-ci il tarixli qərarı ilə təsdiq edilmiş
«Azərbaycan Respublikası ərazisində dövlət mühafizəsinə götürülmüş daşınmaz tarix və mədəniyyət
abidələrinin əhəmiyyət dərəcələrinə görə bölgüsü»ndə Qəbələdə olan 93 tarix, memarlıq, mədəniyyət, incəsənət
abidəsinin adı, yeri və tarixi barədə məlumatlar vardır.
Bunlardan biri - Qədim Qəbələ şəhəri, antik dövr, dünya