Qobustan rayonu
Yaranma tarixi - 24.04.1990
Ərazisi - 1,37 min kv. km
Əhalinin sayı – 47,4 min nəfər (1 yanvar, 2020-ci il)
Əhalinin sıxlığı – 1 kv. km 35 nəfər (1 yanvar 2020-ci il)
Şəhər - 1
Kəndlərin sayı - 31
Qəsəbələrin sayı – 1
Qobustan rayonu ilə Bakı arasında olan məsafə - 101 km.

Ümumi məlumat

Mərəzə rayonu 1920-ci ildən 1930-cu ilə qədər Azərbaycanın inzibati ərazi vahidi kimi fəaliyyətdə
olmuşdur. 1930-cu ildə Şamaxı rayonu təşkil edildikdə Mərəzə rayonu da onun tərkibinə birləşdirilmişdir.
1943 - cü ilin oktyabr ayında Mərəzə rayonu Şamaxı rayonundan ayrılaraq 01.01.1960-cı ilə qədər ayrıca rayon
kimi fəaliyyət göstərmişdir. Sonuncu dəfə isə Mərəzə zonası 1990-cı ilin aprel ayında Şamaxıdan ayrılmış,
Qobustan rayonu təşkil olunmuşdur. Böyük Qafqazın cənub-şərq qurtaracağındadır. Mərkəzi Mərəzə qəsəbədir.
Rayona Mərəzə, Üzümçü qəsəbələri və Nərimankənd, Dərəkənd, Şıxzərli, İlanlı, Ceyrankeçməz, Cəmcəmli,
Damlamaca, Nabur, Cəngi, Bəklə, Təklə, Çuxanlı, Ərəbşalbaş, Təklə-Mirzəbaba, Ərəbqədim, Göydərə,
Nardaran, Qurbançı, Çay Qurbançı, Ərəbşahverdi, Qaracüzlü, Bədəlli, Sündü, Cəyirli, Çalov, Poladlı, Dağ
Kolanı, Xilmilli, Şıxlar, Yekəxana Təsi, Sədəfli kəndləri daxildir.
Relyefi alçaq dağlıqdır. Ərazinin şimalında Tabaşir, qalan yerlərdə, əsasən, Paleogen, Neogen və
Antropogen çöküntüləri yayılmışdır. Neft, qaz və yanar şist yataqları, çoxlu palçıq vulkanı var. Müxtəlif tikinti
materialları ilə zəngindir. Mülayim isti yarımsəhra və quru çöl iqlimi üstünlük təşkil edir. Şimalda iqlimi
mülayim istidir. Yanvarda orta temperatur -l,5°C-dən 3°C-yədək, iyulda 27°C-yədəkdir. İllik yağıntı şimal-
qərbdə təqr. 500 mm, cənub-şərqdə 150 mm və daha azdır. Yayı quraq keçir. Ən seyrək çay şəbəkəsi olan
ərazilərdəndir. Qərbində Pirsaatçay, şimalında Qozluçay axır. Burada daimi axarı olan çay yoxdur. Şabalıdı və
açıq şabalıdı, boz-qonur, şorakətvarı boz-qonur torpaqlar yayılmışdır. Dağ kserofitləri, yarımsəhra və quru çöl
bitkiləri