kəndləri daxildir.
Səthi, əsasən, dağlıqdır. Şimal-şərq hissəsi Qusar maili düzənliyi və Samur-Dəvəçi ovalığında yerləşir.
Cənub-qərb sərhədi Baş Qafqaz silsiləsinin yal hissəsindən keçir. Ərazisinin hündürlüyü 100 m-dən (ovalıqda)
4191 m-ədəkdir (Tufan dağ). Yura, Tabaşir, Neogen və Antropogen çöküntüləri yayılmışdır. Faydalı qazıntıları:
yanar şist, mərmər, çınqıl, qum, gil. Mineral bulaqları var. İqlimi düzənlik və dağətəyi hissədə yayı quraq keçən
mülayim isti, yüksək dağlıqda soyuq və rütubətlidir. Orta temperatur yanvarda -4°C-dən l°C-yədək, iyulda 2°C-
dən 24°C-yədəkdir. İllik yağıntı 300-1500 mm-dir. Çayları (Qudyal, Qaraçay, Vəlvələ və s.). Xəzər dənizi
hövzəsinə aiddir. Əsasən, çimli dağ-çəmən, qonur dağ-meşə, qəhvəyi torpaqlar yayılmışdır. Dağlıq sahədə alp
və subalp çəmənləri geniş sahə tutur. Bundan aşağılarda enliyarpaqlı dağ meşələridir (palıd, fıstıq, vələs).
Heyvanları: dağkeçisi, canavar, köpgər, ayı, vaşaq, meşə pişiyi, daşlıq dələsi, meşə dələsi və s. Quşları: ular,
kəklik və s.
Quba, əsasən, kənd təsərrüfatı rayonudur. Əsas təsərrüfatı meyvəçilik və heyvandarlıqdır. Burada konsentrat
sexi, 4 meyvə emalı sexi, soyuducu qurğular və s. sənaye müəssisələri var.
Yaşı ilk orta əsrlərə gedib çıxan Qubanın tarixi haqqında qədim Alban və Ərəb mənbələrində, Avropanın
müxtəlif coğrafiyaşünaslarının əsərlərində bu və ya digər şəkildə bəhs olunmuşdur. Belə ki, Peyğəmbərimizin
Məkkə şəhəri ətrafında tikdiyi ilk məscidin adı Quba adlanır.
XI əsrdə Azərbaycan hakimi Anuşirəvanın tikdirdiyi qalanın adı «Bade-Firuzqubat» idi, XII əsrə aid ərəb
mənbələrində Quba «Kuba» kimi göstərilirdi, XIII əsrdə ərəb alimi Həməvinin coğrafiya lüğətində Azərbaycan
şəhərləri arasında «Kubba» da vardır, XVI əsrin səfəvi qaynaqlarında isə Quba «Qübbə» kimi verilmişdir.
Quba şəhərinin ilk təməl daşı XIV əsrdə qoyulmuşdur.
XVIII əsrin ortalarında Quba xanlığı yaradılmış, onun mərkəzi əvvəl Xudat, sonra isə Quba şəhəri
olmuşdur. Hüseynəli xanın