Qubadlı rayonu
Yaranma tarixi - 14.03.1933
Ərazisi - 0,80 min kv. km
Əhalinin sayı – 41,6 min nəfər (1 yanvar, 2020-ci il)
Əhalinin sıxlığı – 1 kv. km 52 nəfər (1 yanvar 2020-ci il)
Şəhər - 1
Kəndlərin sayı – 93
Qubadlı rayonu ilə Bakı arasında olan məsafə - 403 km
Ümumi məlumat
Qubadlı rayonu 1933 ildə təşkil edilmişdir. Kiçik Qafqazın cənub-qərbində yerləşir. Qərbdən 120 km
məsafədə Ermənistan Respublikası ilə, şimaldan Laçın rayonu, Xocavənd rayonu, şərqdən Cəbrayıl rayonu,
cənubdan isə Zəngilan rayonu ilə həmsərhəddir. Mərkəzi Qubadlı şəhəridir.
Rayona Qubadlı şəhəri və Gödəklər, Əliquluuşağı, Mahmudlu, Sarıyataq, Xanlıq, Qayalı, Ləpəheyranlı,
Abdalanlı, Dondarlı, Diləli Müskənlı, Saray, Mirlər, Dəmirçilər, Poladlı, Fərcan, Göyyal, Hərtis, Zor, Aşağı
Xocamusaqlı, Yuxarı Xocamusaqlı, Mehrili, Hal, Qəzyan, Məmər, Mollalı, Ballıqaya, Cərəli, Boyunəgər,
Saldaş, Qaralar, Kavdadıq, Hüseynuşağı, Ulaşlı, Altınca, Əbilcə, Tatar, Qaraqoyunlu, Qiyaslı, Zilanlı, Kürd
Mahrızlı, Seləli, Mahrızlı, Alaqurşaq, Muğanlı, Həmzəli, Çaytumas, Əfəndilər, Yusifbəyli, Xocahan, Tinli,
Qılıcan, Yuxarı Mollu, Aşağı Mollu, Mollabürhan, Xocik, Mərdanlı, Bala-soltanlı, Padar, Qaramanlı, Qaracallı,
Qarağac, Qarakişilər, Başarat, Milanlı, Hat, Deşdahat, Armudlu, Çardaqlı, Tarovlu, Xələc, Əyin, Göyərçik,
Bəxtiyarlı, Göyər Abbas, Cılfır, Seytas, Novlu, Gürcülü, Dovudlu, Qədirli, Məzrə, Eyvazlı, Teymur Müskanlı,
Balahəsənli, Xıdırlı, Aşağı Cibikli, Yuxarı Cibikli, Xəliloba, Muradxanlı, Həkəri, İşıqlı, Xəndək, Məlikəhmədli,
Qundanlı, Mahmudlu kəndləri daxildir.
Səthi, əsasən, dağlıqdır. Qarabağ yaylasının cənub-şərq qurtaracağı olan Yazı düzü (Bazarçay və Həkəri
çayları arası) burada 450 m-ədək alçalır. Ərazidə Qarabağ silsiləsi maili və dalğalı İncə düzünə keçir. Yura-
Antropogen çöküntüləri yayılmışdır. Əqiq və inşaat materialları yatağı var. İqlimi, əsasən, mülayim isti quru
subtropikdir. Orta temperatur yanvarda -4°C-dən l°C-yədək, iyulda 14- 26°C-dir.