açılmış, mərmər yataqları istifadəyə verilmiş, ticarət,
ictimai-iaşə, mədəniyyət, rabitə və kommunal xidmətlərin şəbəkələri xeyli genişləndirilmişdir.
1992-ci ilin mayın 18-də Laçın rayonu xəyanətin qurbanı olmuş və erməni silahlı qüvvələri tərəfindən işğal
edilmişdi. Laçının işğalı ilə əlaqədar rayona 7,1 milyard ABŞ dolları dəyərində ziyan dəymişdir.
264 nəfər şəhid olmuş, 65 nəfər girov götürülmüş, 103 nəfər əlil olmuşdur. Rayon üzrə 1 yaşdan 16 yaşadək
mövcud olan 24374 nəfər uşaqdan 18 nəfəri şəhid, 225 nəfəri əlil olmuş, 1071 nəfəri, o cümlədən 31 nəfəri hər
iki valideynindən yetim qalmışdır.
2020-ci il noyabrın 10-da Azərbaycan Prezidenti, Ermənistanın baş naziri və Rusiya Prezidenti
münaqişə zonasında atəşin və bütün hərbi əməliyyatların tam dayandırılması barədə imzlaldıqları
bəyanata əsasən dekabrın 1-də Laçın rayonu Azərbaycana təhvil verilib.
Kütləvi informasiya vasitələri haqda məlumat
Rayonda yerli «Laçın» qəzeti və radio verilişləri qovşağı fəaliyyət göstərirdi.
Avtomobil, dəmir yolları haqda məlumat
Dağlıq Qarabağı Ermənistan Respublikasının Gorus rayonu ilə birləşdirən Respublika əhəmiyyətli şose
yolun uzunluğu Laçın şəhərindən Gorus rayonuna kimi 54 km, Şuşa rayonuna isə 40 km, cəmi 94 km-dir.
Respublika əhəmiyyətli Laçın-Qubadlı yolu 77 km-dir.
Rayon üzrə cəmi 2130 km uzunluğunda Respublika və yerli əhəmiyyətli yol, 92 ədəd körpü vardır.
Respublikanın paytaxtı Bakı şəhəri ilə şose yolla ara məsafəsi 450 km, Xankəndi dəmir yolu stansiyası ilə
60 km-dir.
Tarixi və memarlıq abidələri haqda məlumat
Laçın rayonu Azərbaycan Respublikasının qərbində Ermənistanla sərhəddə yerləşir. Rayonda bir şəhər, bir
qəsəbə və 125 kənd vardır. Rayonun ərazisində 200-ə yaxın tarixi, mədəniyyət və memarlıq abidələri, onlarla
kurqan, qala tipli arxeologiya baxımından faydalı olan abidələr, çoxlu sayda qəbirüstü abidələr, stellalar, at, qoç
fiqurları, süjetli daşlar, eləcə də bu ərazi çoxlu təbii sərvətləri, qiymətli mineral