Hilədərə, Hüseynabad, Xocadoy, Kəlvəz, Qışlaq, Məhləabad, Yuxarı Amburdərə, Piran,
Qışlaq, Zərigümaco, Molalan, Sorus kəndləri daxildir.
Lerik rayonu Talış, Peştəsər və Burovar silsilələrinin bir hissəsini və Zuvand çökəkliyini əhatə edir. Ən
yüksək zirvələri Talış silsiləsindəki Kömürköy (2492 m) və Qızyurdudur (2433 m). Əsasən, Paleogenin
vulkanogen-çökmə süxurları yayılmışdır.
Yayı quraq keçən mülayim isti iqlim üstündür. Orta temperatur yanvarda -4°C-dən l°C-yədək, iyulda 12-
22°C-dir. İllik yağıntı 300-800 mm-dir. Əsas çayları Lənkəran və Şərətükdür. Dağ-sarı, qonur dağ-meşə, çimli
dağ-çəmən torpaqları yayılmışdır. Bitki örtüyü kollu və seyrək meşəli çəmənlərdən və dağ meşələrindən (palıd,
vələs, fıstıq) ibarətdir. Heyvanları: tülkü, çaqqal, canavar, ayı, meşəpişiyi, süleysin və s. Zuvand Dövlət Təbiət
Yasaqlığının bir hissəsi Lerik rayonu ərazisindədir.
Qədim tarixə malik olan Lerik rayonu ərazisində daş dövrünə aid olan əşyalar tapılmışdır. Büzeyir mağarası
Azərbaycan ərazisində daş dövrünə aid olan ən qədim yaşayış məskənlərindəndir.
XVIII-XIX əsrlərdən başlayaraq məşhur fransız arxeoloqu Jak de Morqan, K. Şaffer və qardaşı Henri ilə
apardığı arxeoloji qazıntı zamanı buranı «arxeoloji cənnət» adlandırmış, qiymətli tarixi eksponatları aparmışdır.
Görkəmli arxeoloq H.Hümmel Lerikdə tapılan maddi-mədəniyyət nümunələrini neolit (yeni daş) dövrünə
aid etməklə Azərbaycan paleolit dövrü adamlarının Lerik ərazisində məskunlaşmasını təsdiq edir.
Arxeoloq, professor Əsədulla Cəfərov Lerik rayonu ərazisində elmi tədqiqat işləri aparmış, ilk dəfə olaraq
Büzeyir mağarasında orta paleolit dövrünə dair qədim insan düşərgəsi aşkar etmişdir.
Kütləvi informasiya vasitələri haqda məlumat
Respublika televiziyası və radiosunun proqramlarının yayımına xidmət edən Barzavu teleötürücü stansiyası
bütün cənub regionuna xidmət edir.
Rayonda «Lerik» qəzeti fəaliyyət göstərir. Çox az tirajla, ayda bir dəfə nəşr olunur.
Avtomobil, dəmir yolları haqda