mm-dir. Əsas çayı Viləşdir. Podzollaşmış və sarı dağ-meşə, allüvial-çəmən,
bataqlıq-çəmən torpaqları yayılmışdır. Ovalıqda çəmən bitkiləri, dağlıq və dağətəyi hissədə enliyarpaqlı (palıd,
fıstıq, vələs) və Hirkan meşələri (dəmirağac, şabalıdyarpaq palıd və s.) üstündür. Heyvanları: oxlu kirpi,
bataqlıq qunduzu, çölsiçanı və s. Quşları: turac, qırqovul, vağ, sultan toyuğu, qaşqaldaq, göyərçin və s.
Masallı aqrar-sənaye rayonudur. Kənd təsərrüfatı, əsasən, taxılçılıq, tərəvəzçilik, çəltikçilik, tütünçülük,
kartofçuluq, üzümçülük, qismən çayçılıqdan ibarətdir. Heyvandarlıq və balıqçılıq təsərrüfatları da var.
Sənayesi, əsasən, kənd təsərrüfatı məhsulları emal edən müəssisələrdir (konserv zavodları, süd emalı
sexləri, dəyirmanlar, su və şirəli içki sexləri). Mebel fabrikləri, kərpic zavodları, metal konstruksiyalar
hazırlayan sexlər, ağac emalı müəssisələri, tikinti materialları müəssisələri və s. var.
Respublikanın cənubunda yerləşən Masallı rayonu Azərbaycanın ən səfalı və füsunkar guşəsidir. Bu ərazi
Lənkəran, Lerik, Yardımlı, Cəlilabad, Neftçala rayonları ilə həmsərhəddir. Bakı « Astara yolunun 232-ci
kilometrliyindədir. Şərqdən Xəzər dənizi, Qərbdən Talış sıra dağları ilə əhatə olunmuşdur. Masallı qədim
qalaları, Yanardağı, İstisuyu, nadir ağaclarla zəngin meşələri, büllur bulaqları ilə diqqəti cəlb edir.

Masallının çox qədim tarixi var. Aparılan arxeoloji qazıntılar, elmi və yazılı mənbələr göstərir ki, Masallı
ərazisində qədim insanlar 15-20 min il bundan əvvəl yaşamışlar. Böyük Azərbaycan tarixçisi Abbasqulu Ağa
Bakıxanovun «Gülüstani-İrəm» (1841), Mirzə Seyidəli Kazımbəy oğlunun «Cavahirnameyi Lənkəran» (1896),
salnaməçi Mirzə Əhməd Mirzə Xudaverdi oğlunun «Əxbarnamə» (1882) əsərlərində, həmçinin bir sıra Avropa
və rus səyyahlarının yol xatirələrində və qeydlərində Masallının tarixinə dair qiymətli məlumatlar verilmişdir.
«Masallı» coğrafi adının meydana gəlməsi haqqında bu vaxta qədər bir çox mülahizə və rəvayətlər