neft, qaz, yod, brom, xörək duzu
və s. Yayı quraq keçən mülayim isti yarımsəhra və quru çöl iqliminə malikdir. Orta temperatur yanvarda 3°C-
yədək, iyulda 25-36°C-dir. İllik yağıntı 300 mm-dir. Kür çayı, Bala Kür kanalı, Mərkəzi Muğan kollektoru
rayonun ərazisindən keçir. Boz-çəmən, karbonatlı allüvial-çəmən və çəmən bataqlıq torpaqları var. Şoranlıqlara
rast gəlinir. Bitki örtüyü səhra və yarımsəhra tiplidir. Tuqay meşələri var. Heyvanları: çöldonuzu, Kiçik Asiya
qumsiçanı, qırmızıquyruq qumsiçanı və s. Çoxlu quş (dovdaq, bəzgək və s.) və sürünən (su ilanı, tısbağa, gürzə)
var. Şirvan Milli Parkının bir hissəsi buradadır.
Rayonun iqtisadiyyatının əsasmı pambıqçılıq, taxılçılıq, yemçilik və heyvandarlıq təşkil edir.
Rayonda "Anşad-Petrol" Müştərək Neft və Qazçıxarma Müəssisəsi, Neftçala Balıq Kombinatı, "Neftçala-
pambıq", "Neftçala-taxıl", "Neftçala yod-brom", "Neftçala-ət", "Neftçala-süd", "Oryad-balıq", "Neftçala-
aqroservis", "Neftçala-kəndkimya", "Neftçala-mexaniki təmir", "Neftçala-təmirtikinti" ASC-ləri və Xıllı,
Kürağzı, Kür təcrübi nərə balıqartırma zavodları var.
Kütləvi informasiya vasitələri haqda məlumat
Rayonda 1973-cü ildən çıxan «Oktyabr bayrağı» qəzeti 11 oktyabr 1990-cı ildən «Gündoğar» qəzeti kimi
fəaliyyət göstərir
Avtomobil, dəmir yolları haqda məlumat
Rayon daxilində dövlət əhəmiyyətli 50 km uzunluğunda III dərəcəli Neftçala-Salyan, 60 km uzunluğunda
Neftçala-Xolqaraqaşlı-Şorsulu, yerli əhəmiyyətli 54 km uzunluğunda IV dərəcəli Salyan-Bankə-Neftçala və 155
km uzunluğunda yerli əhəmiyyətli yollar var. Rayon mərkəzindən Bakı şəhərinə şose yolu ilə 176 km-dir.
Neftçala-Salyan dəmiryol xətti var. Kür çayında nəqliyyat vasitələri hərəkət edir. Çay üzərində Neftçala-
Bankə (1980-ci il), Qaralı-Yuxarı Qaramanlı (1992-ci il) yaşayış məntəqələrinin və magistral yollar birləşdirən
körpülər var.
Rayonda özəl avtovağzal fəaliyyət göstərir. Dəmir yolu stansiyası var.
Tarixi və memarlıq abidələri haqda məlumat
Rayonda