əhəmiyyətli qum və gil faydalı qazıntı yataqları vardır. Yayı quraq keçən mülayim
isti yarımsəhra və quru çöl iqliminə malikdir. Orta temperatur yanvarda 1,8°C, iyulda 26,5°C-dir. İllik yağıntı
təqr. 300 mm-dir. Əsas çayı Kürdür. Sarısu göllərinin bir hissəsi Sabirabad rayonundadır. Baş Şirvan kollektoru
rayonun şimal hissəsindən keçir. Küryanı kollektorlar Sabirabad rayonu ərazisindən başlanır. Əsasən boz-çəmən
torpaqları yayılmışdır. Yarımsəhra bitkiləri üstünlük təşkil edir. Kür çayı sahilində tuqay meşələri mövcuddur.
Heyvanları: çöldonuzu, bataqlıq qunduzu, qumsiçanı və s. Su və bataqlıq quşlarının qışlaqları var.
Sabirabad iri pambıqçılıq, taxılçılıq, heyvandarlıq və bostançılıq rayonudur.
Rayondakı yerli əhəmiyyətli qum, gil faydalı qazıntılarından tikintidə istifadə edilir. Bölgədə otlaq və su
ehtiyatlarının olması nəticəsində qədim zamanlardan maldarlıq və heyvandarlığın inkişafı üçün təbii imkanlar
mövcud olmuşdur. Məhz həmin imkanlar Muğan ərazisində otlaq əkinçi tayfalarının məskunlaşmasına şərait
yaratmışdır. Muğan torpağının bərəkəti artdıqca bu yerlərə xarici işğalçıların qalaya çevirərək bu yerə Qalaqayın
(möhkəm qala) adını vermişdir.
XIX əsrin axırlarında Kür və Araz çaylarının sahillərində Petropalovka adlanan kənd salınmağa
başlanmışdır. 1887-ci ildə Ukraynalı kəndlilər Muğana köçürülərək bu məntəqədə məskunlaşdırılmışdır. 1901 -
ci ildə bu ərazidə cəmi 87 təsərrüfat olmuşdur. Keçən əsrin əvvəllərində Qalaqayın adlanan Sabirabadın iqtisadi
inkişafı başlanmışdır. 1913-cü ildə burada pambıqtəmizləmə zavodu, iki kustar sənaye müəssisəsi-dəyirman işə
salınmışdır. 1920-ci ildən sonra Petropalovka adlanan məntəqə iqtisadi inkişafına görə böyüyərək 1930-cı il
avqustun 8-də yeni təşkil edilmiş rayon mərkəzinə çevrilmişdir. 1931-ci il oktyabr ayının 2-də şəhər böyük
Azərbaycan şairi M. Ə. Sabirin şərəfinə Sabirabad adlandırılmışdır. 1952-ci il noyabrın 7-də rayona şəhər tipli
qəsəbə, 1959-cu il dekabrın 4-də isə şəhər