telekommunikasiya qovşağı, Kürsəngi Qazma İşləri İdarəsi, Neft məhsulları
bazası, rels qaynaq qatarı, lokomotiv deposu, "Salyan-Çörək" ATSC, xalça sexi və s. sənaye müəssisələri var.
«Salyan» sözü etimologiyası haqqında müxtəlif mülahizələr vardır. Elmi tədqiqatlara əsasən demək olar ki,
türkdilli tayfaların içərisində «sal» tayfası olmuşdur. Onlar bir zamanlar Volqaboyu sahillərdə yaşamış, həmin
ərazidəki düzənliklərdən biri «Sal» düzənliyi olmuşdur.
Bundan əlavə Şərqi Avropa düzənliklərindən axan Don çayının qollarından biri Sal çayı adlanır. Salyan
yaşayış məntəqəsi keçmişdə bu ərazidə məskən salmış «sal» tayfasının adını daşıyır.
Bir fakta əsasən Bizans tarixçisi Menandr 558-ci il hadisələrindən bəhs edərkən sal adlı tayfanın avar adlı
türk tayfa birləşməsi ilə Cənubi Rusiya çöllərində müharibələr apardığını yazır. Güman ki, salların müəyyən
hissəsi avarlarla Azərbaycana gəlib məskunlaşmışdır. Bunu XIV əsr tarixçisi Həmdullah Qəzvinin Kür çayının
mənsəbində bir şəhərin «Abar» şəhər adlandığı qeyd edilir.
Salyan hələ XIII əsrdə diqqəti cəlb edəcək dərəcədə böyük yaşayış məntəqəsi olmuşdur. Nə vaxtdan
salındığı dəqiq məlum deyil. Lakin bir məntəqə kimi XV əsrin ortalarına aid edilir.
Şirvanşahların Muğan, Təbriz, İran şəhərləri ilə ticarət əlaqələri Salyandan keçmişdir. XVII-XVIII əsrlərdə
İran, Şimali Qafqaz, Türküstan və Rusiya ilə ticarət yolları uzun müddət Salyandan keçmişdir. Salyandan bu
şəhərlərə satmaq üçün balıq, kürü, tənbəki, ağ və zolaqlı bez aparılırdı.
XVIII əsrdə Salyanda Zərbxana olmuş və burada gümüş, miss pullar kəsilmişdir.
1795-ci ildə Ağa Məhəmməd Şah Qacarın 12 minlik qoşunu Şamaxıya hücum edərkən müqavimət
göstərdiyi üçün Salyanı talan edib, dağıtmışdır.
1868-ci ilin fevralında Bakı quberniyası daxilində Cavad qəzası yaradılanda Salyan bu qəzanın inzibati
idarəçilik və mədəni mərkəzi oldu. XX əsrin əvvəllərində burada gücü 3-4 min tona çatan 3 xırda
pambıqtəmizləmə müəssisəsi, kiçik istilik-elektrik