və s. təşkil edir.
Samux rayonu Gəncə-Qazax bölgəsinə və Orta-Kür iqtisadi rayonuna daxildir.
Rayonun ərazisi Gəncə şəhəri, Göygöl, Şəmkir, Tovuz, Qax, Yevlax, Goranboy rayonları və Gürcüstan
Respublikası ilə həmsərhəddir.
Samux rayonunun ərazisi əsasən düzənlikdir. Ərazinin bir hissəsi Kür çökəkliyinə, Ceyrançöl fiziki-coğrafi
sahəsinə, Boz dağ massivinə düşməklə şimalda Alazan vadisi ilə əhatə olunmuşdur. Şimalda və şərqdə alçaq
dağlıqdır. Neogen, Antropogen çöküntüləri yayılmışdır. İqlimi mülayim kontinental, mülayim isti, yarımsəhra
və quru çöl tiplidir. Orta temperatur yanvarda 1°C, iyulda 25°C-dir. İllik yağıntı 250 mm-dir. Çayları Qabırrı,
Qanıx, Gəncə və Qoşqardır. Mingəçevir su anbarının şimal-şərq hissəsi buradadır. Rayonun Ceyrançöl
sahəsində, Kür çökəkliyində və Bozdağ massivində adı "Qırmızı kitab"a düşmüş ceyran və turacla yanaşı vaşaq,
çölpişiyi, qaban, kəklik, qırqovul, meşə xoruzu kimi nadir heyvan və quşlar məskunlaşmışdır. Eldar şamı,
əsasən, Samux rayonu ərazisində bitir. Eldar Şamı Dövlət Təbiət Qoruğu rayon ərazisindədir.
Samux rayonunun iqtisadiyyatının əsasını kənd təsərrüfatı məhsullarının istehsalı təşkil edir. Rayonda 2
toxumçuluq müəssisəsi, bitki mühafizə stansiyası, suvarma sistemləri idarəsi, baytarlıq idarəsi, Azərbaycan
Elmi-Tədqiqat Pambıqçılıq İnstitutu, regional milli hidrometeorologiya müəssisəsi, asfalt-beton, qum-çınqıl
zavodları, süd emalı müəssisəsi, şərab zavodu, günəbaxan yağı istehsalı sexi, pambıq emalı zavodu, qənnadı
sexi var.
Rayon ərazisində Azərbaycan Elmi Tədqiqat Pambıqçılıq İnstitutu, Regional Milli Hidrometereologiya
Müəssisəsi kimi respublika əhəmiyyətli obyektlər vardır.
Samux rayonunun mərkəzi Nəbiağalı qəsəbəsində 5 hektar sahədə Azərbaycan xalqının ümummilli lideri
Heydər Əliyevin adını daşıyan Mərkəzi İstirahət Parkı salınmışdır. Parkın ən hündür yerində Ulu Öndərimizin
portreti ucaldılmışdır. Parkda əhalinin istirahəti üçün hər cür şərait yaradılmışdır.
Rayon