Siyəzən rayonu
Yaranma tarixi – 02.04.1992
Ərazisi - 0,70 min kv. km
Əhalinin sayı – 42,6 min nəfər (1 yanvar, 2020-ci il)
Əhalinin sıxlığı – 1 kv. km 61 nəfər (1 yanvar, 2020-ci il)
Şəhər - 1
Kəndlərin sayı - 32
Qəsəbələrin sayı – 1
Siyəzən rayonu ilə Bakı arasında olan məsafə - 103 km

Ümumi məlumat

Siyəzən rayon kimi ilk dəfə 11 fevral 1940-cı ildə təşkil olunmuş və 1959-cu ildə ləğv edilərək Dəvəçi
rayonunun tərkibinə verilmişdir.
2 aprel 1992-ci ildə Azərbaycan Respublikası Ali Sovetinin Milli Şurasının qərarı ilə Siyəzən rayonu 1959-
cu il sərhədləri daxilində yenidən bərpa olunmuşdur. Siyəzən rayonu Samur-Dəvəçi ovalığında, Xəzər
sahilindədir. Mərkəzi Siyəzən şəhəridir. Siyəzən rayonu Azərbaycanın şimal zonasında respublikanın paytaxtı
Bakı şəhərindən 100 km məsafədə Xəzər dənizinin sahilində yerləşməklə iki tərəfdən Xızı və Şabran rayonları
ilə həmsərhəddir.
Rayona Siyəzən şəhəri, Gilgilçay qəsəbəsi və Yenikənd, Tağay, Kolanı, Böyük Həmyə, Kiçik Həmyə,
Zarat, Çahandar, Eynibulaq, Məşrif, Qalaaltı, Qozağacı, Qərəh, Daşlı Calğan, Orta Calğan, Sədan, Çarxana,
Sağlocan, Mükülqazma, Beşdam, Qara Siyəzən, Dərəzarat, Nardaran, Dağquşçu, Əlməkolu, Ərziküş, Yuxarı
Ələz, Yanıq Ələz, Hacışəkər, Köhnəquşçu, Qaragöz, Künövşə, Qalaşıxı kəndləri daxildir.
Relyefi cənub-qərbdə alçaq dağlıq, şimal-şərqdə düzənlikdir. Dəniz sahili hissəsi dəniz səviyyəsindən 28 m
aşağıdadır. Neogen və Antropogen çöküntüləri yayılmışdır. Neft, təbii qaz, əhəngdaşı, çınqıl, gil və s. faydalı
qazıntıları var. Müalicə əhəmiyyətli mineral su çıxır (Qalaaltı). İqlimi ovalıq və dağətəyi yerlərdə mülayim isti
quru subtropikdir. Orta temperatur yanvarda 1,5°C, iyulda 23-25°C-dir. Yayı quraq keçir. İllik yağıntı 200-400
mm-dir. Çayları (Gilgilçay, Ataçay və s.) Xəzər hövzəsinə aiddir. Dağlıq hissədə şabalıdı və açıq şabalıdı,
ovalıqda şorakətvarı boz-qonur torpaqlar yayılmışdır. Əsas bitki örtüyü yovşanlı və yovşanlı-şoranotulu
yarımsəhralardan və dəniz