sahili qumluq bitkilərindən ibarətdir. Heyvanları: tülkü, boz dovşan, çölsiçanı və s.
Quşları: göyərçin, qaraqarın bağrıqara, su quşları və s.
Rayonun iqtisadiyyatının əsasını neft sənayesi təşkil edir. Həmçinin əkinçilik, heyvandarlıq, balıqçılıq,
meyvə-tərəvəzçilik inkişaf etdirilir. Rayonda "Siyəzən-neft" NQÇİ, "Siyəzən-Broyler" ATSC, kərpic zavodu və
s. istehsal müəssisələri var.
Rayonda 96 qaçqın və məcburi köçkün ailəsi məskunlaşmışdır. Respublikamızın ərazi bütövlüyü uğrunda
erməni qəsbkarlarına qarşı müharibədə 71 nəfər şəhidlik zirvəsinə yüksəlmiş, 48 nəfər əlil olmuşdur.
Ölkəmizi qonşu Rusiya Federasiyası ilə birləşdirən dəmir yolu, Bakı Quba avtomobil yolu, Samur-Abşeron
kanalı, birinci və ikinci Bakı su (şollar) kəmərləri rayon ərazisindən keçir.
Kütləvi informasiya vasitələri haqda məlumat
Rayonda «Çıraq» adlı ictimai-siyasi qəzet 1992-ci ildən fəaliyyət göstərir.
Qəzetin təsisçiləri Siyəzən Rayonu İcra Hakimiyyəti aparatı və redaksiyanın jurnalist kollektividir. 1992-
1993-cü illərdə Azərbaycan nəşriyyatında, 1994-2000-ci illərdə isə rayon mətbəəsində çap olunmuşdur. 2002-ci
ildən başlayaraq yenidən Azərbaycan nəşriyyatında çap olunur. Hal-hazırda qəzet ayda bir dəfə nəşr olunur.
Avtomobil, dəmir yolları haqda məlumat
Azərbaycan Respublikasını Rusiya Federasiyası ilə birləşdirən avtomobil və dəmir yolları Siyəzən rayonu
ərazisindən keçir.
Tarixi və memarlıq abidələri haqda məlumat
Dünya əhəmiyyətli abidələr:
1. Beşbarmaq paralel müdafiə səddi - IV-VII əsrlərə aiddir. Bu istehkam Beşbarmaq dağının ətəklərindən
Xəzər dənizinə qədər uzanırdı. Səddin bir hissəsi qalıb. Dağın ətəyində daşlardan, düzənlikdə iri çiy kərpicdən
sədd bir-birindən 200 m aralı iki divardan ibarət idi. 2. Gilgilçay müdafiə istehkamlar kompleksi - V əsrə aiddir.
Abidə Siyəzən rayonunun Yenikənd, Kolanı, Eynibulaq, Daşlı Calğan, Qalaaltı kəndlərindən keçərək Çıraq qala
ilə birləşir.
Ölkə və yerli əhəmiyyətli abidələr:
1. Pir Xəlil Türbəsi -