Vəlvələçay və Gilgilçay çayları
axaraq Xəzər dənizi hövzəsinə tökülür. Xəzəryanı ovalıq (Samur-Dəvəçi ovalığı) okean səviyyəsindən 28 m-dək
aşağıdır. Rayonun cənub-qərbində hündürlüyü 2220 m olan Dübrar dağı yerləşir.
Şabran rayonu Böyük Qafqazın şimal-şərqindədir. Böyük Qafqaz silsiləsinin qolları, yan silsiləsinin cənub-
şərq qurtaracağında yerləşir. Ərazidə palçıq vulkanları da vardır. Dağlıq hissədə tabaşir, paleogen və neogen,
ovalıqda antropogen çöküntüləri yayılmışdır. Ərazi neft, qaz, çınqıl, qum, gil və digər faydalı qazıntı yataqları
ilə zəngindir. Müalicə əhəmiyyətli mineral suları, Qalaaltı sanatoriyası, Xaltan istisuyu əhali tərəfindən müxtəlif
daxili xəstəliklərin müalicəsində geniş istifadə olunur.
İqlimi ovalıq və dağətəyi yerlərdə mülayim-isti, quraq-subtropik, dağlıq yerlərdə isə mülayim-soyuqdur.
Yayı quraq keçməklə illik yağıntının miqdarı 300-600 mm-dir. Dağlıq sahədə qəhvəyi dağ-meşə, dağ şabalıdı,
açıq-şabalıdı, ovalıqda şorankətvari, boz qonur və s. torpaqlar vardır. Dəniz sahilində qumluqlar yayılmışdır.
Əsas bitki örtüyü kolluq və seyrək meşəli çəmənliklərdən, yovşanlı və yovşanlı şoran otlu yarımsəhralardan
ibarətdir. Heyvanat aləmi və quşlarla zəngindir.
Rayon ərazisinin 44,08 %-ni və ya 44085 hektarını kənd təsərrüfatına yararlı torpaqlar, o cümlədən, 16,1 %-
ni və ya 16,8 min hektarını əkin yeri, 5,1 min hektarını və ya 5,6 %-ni çoxillik əklillər təşkil edir. Rayonun
iqtisadiyyatında taxılçılıq, tərəvəzçilik və heyvandarlıq əsas yer tutur. Aqrar islahatlar nəticəsində 21787 hektar
torpaq sahəsi özəlləşdirilərək 6858 ailənin xüsusi mülkiyyətinə, 35291 hektar bələdiyyə mülkiyyətinə verilmiş,
42977 hektar dövlət mülkiyyətində saxlanılmışdır. Rayonda 11559 hektar dənli bitkilər, 785 hektar tərəvəz, 114
hektar kartof və 12 hektar bostan bitkiləri əkilmişdir. Samur-Abşeron kanalı Şabran rayonunun ərazisindən
keçir. Suvarılan torpaqlar 18,4 min hektardır. 358 km açıq suvarma kanalları, 562 suvarma üçün