n Adam Oleari və türk Övliya
Çələbinin verdiyi məlumatlara görə 1643-1650-ci illərdə Şamaxıda 70 məscid, 44 karvansara, 40 mədrəsə, 7
hamam, onlarla meydan və bazar mövcud olmuşdur. Böyük fransız yazıçısı Aleksandr Düma 1858-ci ildə
Şamaxıda olarkən demişdir: «Parisdən çox-çox uzaqlarda « Şamaxıda Monteronun, Caffanın, Fontelblonun
çəkdikləri portretləri, fransızca danışan adamlar gördüm. Bütün bunlar adama qeyri-adi təsir bağışlayırdı».
1920-ci ildə Azərbaycan rus bolşevikləri tərəfindən işğal edildikdən sonra Şamaxı on il yenə də quberniya
mərkəzi olmuşdur. Keçən əsrin 30-cu illərindən sonra Şamaxı rayon kimi fəaliyyət göstərmişdir. Lakin
Şamaxının bir rayon kimi fəaliyyətinin əsl intibah dövrü 1970-80-ci illərə təsadüf edir. Şübhəsiz ki, bu, müstəqil
Azərbaycan Respublikasının yaradıcısı və qurucusu Heydər Əliyev tərəfindən Şamaxıya göstərilən böyük diqqət
və qayğı ilə bağlı olmuşdur. 1978-ci il yanvarın 21-də Azərbaycan Respublikası başçısının şəxsi tapşırığı və
göstərişi ilə «Şamaxı rayonunun iqtisadiyyatını və mədəniyyətini daha da inkişaf etdirmək tədbirləri haqqında»
mühüm qərar qəbul edilmişdir. Əslində müasir Şamaxı məhz bu qərardan sonra yenidən tikilib qurulmuş, onun
infrastrukturu möhkəmlənmiş, iqtisadi və mədəni inkişafı təmin edilmişdir.
Kütləvi informasiya vasitələri haqda məlumat
Şamaxı rayonunda 1932-ci ildən «Şirvan» qəzeti nəşr olunur.
Avtomobil, dəmir yolları haqda məlumat
Bakı-Qazax magistral yolunun 110-144-cü kilometrləri Şamaxı rayonunun ərazisindən keçir. 34 kilometr
təşkil edən bu yolun 29 kilometri II, 5 kilometri isə I kateqoriyaya aiddir.
Tarixi və memarlıq abidələri haqda məlumat
Şamaxının Azərbaycan mədəniyyəti tarixində xüsusi yeri vardır. Belə ki, Şamaxı rayonunda turistlərin geniş
marağına səbəb olan 71 ölkə və yerli əhəmiyyətli mədəniyyət və arxeoloji abidə vardır. Həmin abidələrdən
Cümə məscidini (VIII-XIX əsrlər), Gülüstan qalasını (IX-XI əsrlər), Buğurt qalasını (XII-XV əsrlər),
Şahxəndan