günbəzini (XVII əsr), Yeddi gümbəzi (XV-XVII əsrlər), Kələxana türbələrini (XVII əsr),
Pirmərdəkan türbəsini (XIII əsr) və s. göstərmək olar. Tarixi məlumatlara görə Gülüstan qalası Yəzid İbn
Məzyədin vaxtında və Şirvanşahlar dövlətinin əsas müdafiəsi məqsədilə ucaldılmışdır. Deyilənlərə görə, I Şah
İsmayıl Şirvana hücum edib Şamaxını tutsa da, bu qalanı ala bilməmişdir. Gülüstan qalası xalq arasında Qız
qalası adı ilə məşhurdur. Buğurd qalası Şamaxı rayonunun Qəleybuğurd kəndində yerləşir. Arxeoloji qazıntılar
bu qalada XI-XIII əsrlərdə yaşayış olduğunu təsdiqləyir. Bu abidə də Şirvanşahlar dövlətinin əsas müdafiə
istehkamlarından olmuşdur. Deyilənlərə görə, Şirvanşahların xəzinəsi də Buğurd qalasında saxlanırmış. Səfəvi-
Osmanlı müharibələri zamanı osmanlılar bu qalanı ələ keçirib özlərinin dayaq məntəqəsinə çevirmişdilər.
Buğurd qalasından XII əsrin axırlarınadək istifadə olunmuşdur. Kələxana türbələri (8 türbədir) XVII əsrdə
tikilib. Şamaxıda dini tikililər içərisində qədim Cümə məscidi mühüm yer tutur. O, Xəlifə I Validin qardaşı Əbu
Müslümün hökmranlığı dövründə, VII əsrdə tikilmişdir. Deyilənlərə görə, Şamaxıdakı Cümə məscidi Cənubi
Qafqazda ən qədim dini tikilidir. Cümə məscidinin indiki görünüşü 1902-ci ildən sonra yenidən bərpa
edilmişdir. 1971-ci ilin yayında aparılan qazıntılar zamanı Cümə məscidinin həyətində baş tağın bünövrəsi və
mədrəsə aşkar edilmişdir.
Rayon mərkəzində ümummilli lider Heydər Əliyevin abidəsi