Şamaxı rayonu
Yaranma tarixi - 08.08.1930
Ərazisi - 1,67 min kv. km
Əhalinin sayı - 106,4 min nəfər (1 yanvar, 2020-ci il)
Əhalinin sıxlığı – 1 kv. km 64 nəfər (1 yanvar 2020-ci il)
Şəhər - 1
Kəndlərin sayı - 57
Qəsəbələrin sayı – 5
Şamaxı rayonu ilə Bakı arasında olan məsafə - 135 km

Ümumi məlumat

Böyük Qafqazın cənub-şərqində yerləşir. Mərkəzi Şamaxı şəhəridir.
Rayona Şamaxı şəhəri, Mədrəsə, Aşkar, Sabir, Yusif Məmmədəliyev, Şəhriyar qəsəbələri və Əngixaran,
Kələxana, Böyük Xınıslı, Pirbəyli, Bağırlı, Ovçulu, Hacıqədirli, Göylər, Dağ-Bağırlı, Çöl-Göylər, Acı Dərə,
Yenikənd, Hacılı, Əhmədli, Dədəgünəş, Çağan-1, Çağan-2, Cabanı, Həmyəli, Dəmirçi, Zaratxeybəri, Səfalı,
Qəleybuğurd, Keçmədin, Qaladərəsi, Sis, Avaxıl, Lalazar, Mirikənd, Muğanlı, Qaravəlli, Məlcək, Şirvan,
Şərədil, Mərzəndiyə, Çıraqlı, Çarhan, Adnalı, Nüydü, Çuxuryurd, Məlhəm, Talışnuru, Qonaqkənd,
Məlikçobanlı, Kərkənc, Meysəri, Ərçiman, Birinci Çaylı, İkinci Çaylı, Qızmeydan, Yeni Qızmeydan, İkinci
Cabanı, Quşçu, Saqiyan, Sabirli, Nağaraxana, Qurdtəpə kəndləri daxildir.
Səthi, əsasən, dağlıqdır (Baş Qafqaz silsiləsinin cənub yamacı, Nialdağ və Ləngəbiz silsilələri). Ərazisinin
maksimal hündürlüyü 2500 m-ə çatır. Palçıq vulkanları, Yura-Antropogen çöküntüləri yayılmışdır. Faydalı
qazıntıları: yanar şist, bitum, gil, əhəngdaşı və s. Mineral bulaqları var. İqlimi mülayim istidir. Orta temperatur
yanvarda -4°C-dən 2°C-yədək, iyulda 15-25°C-dir. İllik yağıntı 300-800 mm-dir. Rayonun ərazisindən Pirsaat,
Qozluçay və s. çaylar axır. Çimli dağ-çəmən, qonur dağ-meşə, şabalıdı, boz-qonur, şorakətvarı boz-qonur və s.
torpaqlar yayılmışdır. Meşələri (palıd, vələs, ardıc, saqqızağacı və s.) var. Yüksək dağlıqda subalp və alp
çəmənləri geniş yayılmışdır. Dağ-çöl və yarımsəhra bitkiləri səciyyəvidir. Canavar, tülkü, boz dovşan,
meşəpişiyi, xallı maral, daşlıq dələsi, qumsiçanı, ilan, kəklik, qırqovul, göyərçin və s. məskunlaşmışdır. Pirqulu
Dövlət Təbiət Qoruğu