Şuşa rayonu
Yaranma tarixi - 08.08.1930
Ərazisi - 0,31 min kv. km
Əhalinin sayı – 33,7 min nəfər (1 yanvar, 2020-ci il)
Əhalinin sıxlığı – 1 kv. km 112 nəfər (1 yanvar 2020-ci il)
Şəhər – 1
Qəsəbə - 1
Kəndlərin sayı – 37
Şuşa rayonu ilə Bakı arasında olan məsafə - 373 km

Ümumi məlumat

Şuşa rayonu 1930-cu ildə təşkil edilmişdir. 1963-cü ildə ləğv edilərək ərazisi Xankəndi rayonuna (1978
ildən Əsgəran rayonu) verilmiş, 1965-ci ildə yenidən müstəqil rayon olmuşdur. Kiçik Qafqazda Qarabağ
silsiləsi ərazisində yerləşir. Mərkəzi Şuşa şəhəridir.
Rayona Şuşa şəhəri, Turşsu qəsəbəsi və Malıbəyli, Yuxarı Quşçular, Xəlfəli, Dükanlar, Zamanpəyəsi,
Şüşülü, Mirzələr, Qaybalı, Laçınlar, Şırlan, Çaykənd, Paşalar, Məmişlər, Xanalı, İmamqulular, Cəmillər,
Səfixanlar, Xanlıqpəyə, Allahqulular, Böyük Qaladərəsi, Kiçik Qaladərəsi, Göytala, Onverst, Zarıslı, Nəbilər,
Sarıbaba, Daşaltı, Nağılar, Xudaverdilər kəndləri daxildir.
Səthi dağlıqdır. Ən yüksək zirvəsi Böyük Kirs dağıdır (2725 m). Əsasən, Yura və Tabaşir çöküntüləri
yayılmışdır. Müxtəlif növ tikinti materialı yataqları və mineral su bulaqları (Turşsu, Şırlan) var. Ərazisinin əksər
hissəsi yayı quraq keçən mülayim isti və qışı quraq keçən soyuq iqlim tiplərinə aiddir. Orta temperatur yanvarda
-4°C-dən -l°C-yədək, iyulda 16-19°C-dir. İllik yağıntı 700-800 mm-dir. Ərazisindən Qarqar çayı axır.
Torpaqları qəhvəyi dağ-meşə, qonur dağ-meşə, çimli dağ-çəmən tiplidir. Yüksək dağlıq sahələr subalp və alp
çəmənləri ilə örtülüdür. Alçaq dağlıq və dağətəyi sahələrdə qırılmış meşələrin yerində çəmənlər və kserofit
kolluqlar var. Heyvanları: ayı, canavar, tülkü, boz dovşan, cüyür və s. Quşları: kəklik, göyərçin və s.
Rayonun iqtisadiyyatında heyvandarlıq əsas yer tutur.
Ətraf səfalı meşələr, sərin bulaqlar, havası məsum uşaq qəlbi kimi pak olan Şuşanın yaşı çox deyilsə də
tarixi bir şəhərdir. Şuşa şəhərinin binasını Qarabağlı Pənah xan qoymuşdur. Pənah xan 1693-cü ildə Cavanşir
elinin Sarıcalı