Tərtər rayonu
Yaranma tarixi - 27.01.1934
Ərazisi – 0,96 min kv. km
Əhalinin sayı - 104,7 min nəfər (1 yanvar, 2020-ci il)
Əhalinin sıxlığı – 1 kv. km 109 nəfər (1 yanvar 2020-ci il)
Şəhər - 2
Kəndlərin sayı - 74
Qəsəbələrin sayı – 1
Tərtər rayonu ilə Bakı arasında olan məsafə - 332 km

Ümumi məlumat

Tərtər Azərbaycan Respublikasında inzibati rayondur. 1920-ci ilin aprel ayında Cavanşir qəzası
yaradılmışdır. Həmin ildə Tərtər sahəsi yaradılmış və 1920-1922-ci illərdə Cavanşir qəzasının tabeliyində
olmuş, 1922-ci ildə adı dəyişdirilərək Cavanşir sahəsi adlandırılıb. 7 iyul 1923-cü ildən 1929-cu ilin aprelinə
kimi Ağdam qəzasının inzibati tabeliyində, 8 aprel 1929-cu ildən 8 avqust 1930-cu ilə kimi Qarabağ dairəsinin
tabeliyində olmuşdur.
8 avqust 1930-cu ildə Tərtər rayonu yaradılıb. 24 fevral 1931-ci ildə Tərtər rayonu ləğv edilərək Bərdə
rayonunun inzibati tabeliyinə verilmişdir. 27 yanvar 1934-cü ildə yenidən Tərtər rayonu yaradılmışdır. 5 avqust
1949-cu ildə rayonun adı dəyişdirilərək Mirbəşir rayonu adlandırılmışdır. 4 yanvar 1963-cü ildə Mirbəşir
rayonu ləğv edilərək Bərdə rayonunun inzibati tabeliyinə keçirilmiş, 6 yanvar 1965-ci ildə yenidən Mirbəşir
rayonu yaradılmışdır. 7 fevral 1991-ci ildə Mirbəşir rayonunun adı dəyişdirilərək yenidən Tərtər rayonu
adlandırılmışdır.
Azərbaycan Respublikası Milli Məclisinin 13 oktyabr 1992-ci il tarixli 327 saylı qərarı ilə Azərbaycan
Respublikasının Ağdərə rayonu ləğv edilərək həmin rayonun Ağdərə qəsəbəsi və 28 kəndi Tərtər rayonunu
inzibati tərkibinə verilmişdir. Ağdərə rayonu ərazisindən verilən yaşayış məntəqələri də daxil olmaqla hazırda
rayonda 2 şəhər, 1 qəsəbə və 74 kənd vardır.
1993-cü ildə Tərtər rayonunun 3 kəndi Ermənistan silahlı qüvvələri tərəfindən işğal edilmişdi.
Torpaqların azad edilməsi uğrunda Azərbaycan ordusunun keçirdiyi hərbi əməliyyatlar nəticəsində
2020-ci ilin 3 oktyabrında Tərtər rayonunun Suqovuşan və Talış kəndləri, 9 oktyabrda isə Çaylı kəndi