Ağdərə, Hətəmallar, Dəlləkli, Böyük Şamlıq,
Lazılar, Ağbaşlar, Almalıtala, Sarıtala, Dondarlı, Nəmxoş, Yoğunbulaq, Çobansığnaq, Qaraboyunlar, Ağacqala,
Bozalqanlı, Abulbəyli, Azaflı, Bayramlı, Vahidli, Ağdam, Aşağı Öysüzlü, Qazıqulu, Qaradaş, Qonaqlı,
Qayadibi, Göyəbaxan, Nəsibli, Qarağatlı, Hüseynqulular, Məşədiqulular, Dönük Qırıqlı, İbrahimhacılı,
Məsimlər, Kəcavənd, Avdal, Öskən, Aşağı Mülkülü, Bala Şamlıq, Qozdərə, Qədirli, Məşədilər kəndləri
daxildir.
Relyefi cənubda dağlıq (Şahdağ silsiləsinin şimal-şərq qolları), mərkəzi düzənlik (Gəncə-Qazax düzənliyi),
şimal hissəsi alçaq dağlıqdır (Ceyrançöl öndağlığı). Əsasən, Yura, Tabaşir, Neogen, Antropogen çöküntüləri
yayılmışdır. Faydalı qazıntıları: qızıl, mis, polimetal, tikinti materialları və s. İqlimi şimalda mülayim isti,
yarımsəhra və quru çöl tiplidir. Cənuba getdikcə iqlim nisbətən mülayimləşir. Qışı quraq keçir. Orta temperatur
yanvarda -4°C-dən l°C-yədək, iyulda 18-25°C-dir. İllik yağıntı 400-700 mm-dir. Çayları: Kür, Tovuz, Axınca,
Zəyəm, Əsrik.
Əsasən, şabalıdı, açıq-şabalıdı, qəhvəyi dağ-meşə, dağ tünd-şabalıdı, qonur dağ-meşə, dağ qara torpaqlar
yayılmışdır. Kür sahillərində allüvial çəmən torpaqlarına rast gəlinir. Bitki örtüyü şimal və mərkəzi hissələrdə,
əsasən, çöl və yarımsəhra tiplidir. Cənubda dağlıq sahələrdə palıd və vələs meşələri, subalp və alp çəmənləri,
Kür boyunca tuqay meşələri var. Heyvanları: çöldonuzu, daşlıq dələ-si, cüyür, qumsiçanı və s. Quşları: bəzgək,
dovdaq, kəklik, turac və s.
Tovuz, əsasən, kənd təsərrüfatı rayonudur. Buğda, kartof, qarğıdalı, bostan bitkiləri, meyvə-tərəvəz və s.
yetişdirilir, heyvandarlıq və quşçuluqla məşğul olunur.
Kütləvi informasiya vasitələri haqda məlumat
1929-cu ildən «Qızıl Tovuz», «Sosializm kəndi», «Həqiqət» adları ilə, hazırda isə «Tovuz» adlı rayon
qəzeti nəşr edilir.
Rayonda 1994-cü ildən başlayaraq qısa fasilələrlə, 2002-ci ildən isə müntəzəm şəkildə özəl SM TV (Simurq
teleradio kompaniyası)