Ucar rayonu
Yaranma tarixi - 24.01.1939
Ərazisi - 0,83 min kv. km
Əhalinin sayı - 89,5 min nəfər (1 yanvar, 2020-ci il)
Əhalinin sıxlığı – 1 kv. km 108 nəfər (1 yanvar 2020-ci il)
Şəhər - 1
Kəndlərin sayı – 29
Ucar rayonu ilə Bakı arasında olan məsafə - 234 km

Ümumi məlumat

Ucar rayonu ilə Bakı şəhəri arasındakı məsafə 234 kilometrdir. Rayonun mərkəzi Ucar şəhəridir.
Ucar rayonu 24 yanvar 1939-cu ildə müstəqil rayon kimi təşkil olunana qədər Göyçay rayonunun tərkibində
olmuşdur.
Rayona Ucar şəhəri, Əlikənd, Müsüslü, qəsəbələri və Qazıqumlaq, Məlikballı, Əlikənd, Ramal, Şahlıq,
Qaradağlı, Çiyni, Alpout, Qarabörk, Gəraybəyli, Rəstəcə, Qazyan, Lək, Xələc, Boyat, Bağban, Yuxarı Şilyan,
Bərgüşad, Müsüslü, Təzə Şilyan, Pirkənd, Qaracallı, Küçəkənd, Ənvər Məmmədxanlı, Türkəci, Güləbənd, Alpı,
Bağırbəyli, Çiyni kəndləri daxildir.
Ucar rayonunun səthi düzənlikdir. Ərazisinin ovalıq hissəsi okean səviyyəsindən aşağıda yerləşir.
Antropogen çöküntüləri yayılmışdır. Yayı quraq keçən mülayim isti yarımsəhra və quru çöl iqlimi var. Orta
temperatur yanvarda 1,4°C, iyulda 27,3°C-dir. İllik yağıntı 300-400 mm-dir. Ərazisindən Göycay, Qarasu
çayları və Yuxarı Şirvan kanalı axır. Baş Şirvan kollektoru Ucar rayonunun cənubundan keçir. Boz-çəmən
torpaqları yayılmışdır. Bitki örtüyü ovalıq və yarımsəhra tiplidir. Heyvanları: canavar, tarlasiçanı, qumsiçanı,
bataqlıq qunduzu və s.
Ucar, əsasən, kənd təsərrüfatı rayonudur. Burada əkinçilik və maldarlıq üstünlük təşkil edir. Əsas sənaye
müəssisələri pambıq, konserv, asfalt, metal və ağac məmulatları istehsalı zavodlarıdır.
Rayonun adı, qədim yaranma tarixi haqqında müxtəlif fikirlər söylənilir.
Ərəb coğrafiyaşünası Əl-Sitəkrinin «Məmləkətlərin yolları» kitabında adı çəkilir.
Ucar Azərbaycanda orta əsr şəhəri kimi qeyd olunur.
XV əsrdə yaşamış Azərbaycan şairi Bədr Şirvaninin yazılarında Ucar sözünə rast gəlinir. Bunlardan başqa
digər mülahizələrdə rayonun adının Azərbaycan dilindəki «Uçar»