ə Qorqud yurdu» kitabında Yardımlı yaşayış məntəqəsi «Yardam» kimi göstərilmiş və od, günəş
mənalarından biri kimi bildirilir. Bu da Odlar yurdunun qədimliyi, keçmişi ilə bağlılıq təşkil edir. Sonradan
«Yardam» sözü assimilyasiya olunaraq Yardımlı kimi deyilmiş və bu gün də bu formada istifadə edilir.
Kütləvi informasiya vasitələri haqda məlumat
Rayonda yerli mətbuat orqanı olan «Zirvə» qəzeti fəaliyyət göstərir. «Zirvə» qəzeti 1936-cı ildə Yardımlı
rayon Partiya Komitəsinin və rayon XDS İK-nin orqanı kimi «Yeni kənd» adı ilə çap olunmağa başlamışdır
1990-cı il noyabrın 28-dən başlayaraq qəzet «Zirvə» adı ilə çap olunmağa başlamışdır. Qəzetin təsisçisi
Yardımlı rayon İcra hakimiyyətidir.
Avtomobil, dəmir yolları haqda məlumat
Rayonun ərazisində yalnız avtomobil yolları şəbəkəsi mövcuddur. Respublika əhəmiyyətli Masallı-
Yardımlı-Deman yolunun uzunluğu 72 km-dir. Bunun 26 km-i III kateqoriyalı, 24 km-i IV kateqoriyalı, 22 km-i
isə V kateqoriyalı yoldur. Qalan 362 km yerli əhəmiyyətli kəndlərarası yollar isə V kateqoriyalı avtomobil
yollarıdır
Tarixi və memarlıq abidələri haqda məlumat
Azərbaycan tarixinin bir hissəsini təşkil edən cənub bölgəsinin tarixi və bölgədə yerləşən Yardımlı
ərazisindəki qədim və orta əsr abidələri elmi baxımdan ciddi qiymətləndirilir. Ümumiyyətlə rayon ərazisində 51
ölkə və 48 yerli əhəmiyyətli tarix və mədəniyyət abidəsi mövcuddur. Abidələrin böyük əksəriyyəti arxeoloji və
dekorativ-tətbiqi sənət nümunələrinə aid edilən memarlıq abidələridir.
Yardımlı rayon tarix-diyarşünaslıq muzeyi 1981-ci il noyabrın 25-də açılmışdır. Muzeyin fondunda 5500 -
dən çox muzey əhəmiyyətli eksponat var. Bunların 3110 ədədi əsas fonda daxil olmaqla rayonun tarixi ilə
bağlıdır. Əsas fondun materiallarının bir çoxu nəinki Yardımlı rayonunun tarixi, eləcə də Vətənimizin ulu
tarixini özündə təcəssüm etdirir. Əsas fonda 10 ədəd rəssamlıq, 25 ədəd heykəltəraşlıq, 126 ədəd tətbiqi -
incəsənət məmulatı, 193 ədəd arxeoloji