Yardımlı rayonu
Yaranma tarixi - 08.08.1930
Ərazisi - 0,67 min kv. km
Əhalinin sayı - 68,0 min nəfər (1 yanvar, 2020-ci il)
Əhalinin sıxlığı – 1 kv. km 101 nəfər (1 yanvar 2020-ci il)
Şəhər - 1
Kəndlərin sayı - 87
Yardımlı rayonu ilə Bakı arasında olan məsafə - 286 km
Ümumi məlumat
Yardımlı rayonu (1930-38 illərdə Vərgəduz rayonu) - Azərbaycan Respublikasında inzibati rayon 1930 ildə
təşkil edilmişdir. Talış dağlarının şimal-qərbindədir. İran İslam Respublikası və Azərbaycan Respublikasının
Lerik, Masallı, Cəlilabad rayonları ilə həmsərhəddir. Cənubdan Lerik rayonu ilə sərhədin uzunluğu 40 km,
şərqdən Masallı rayonu ilə 11 km, şimal-şərqdən Cəlilabad rayonu ilə 20 km-dir. Şimal, qərbdən və cənub-
qərbdə qonşu İran İslam Respublikası ilə dövlət sərhədinin uzunluğu 96 km-dir.
Mərkəzi Yardımlı qəsəbəsidir.
Rayona Yardımlı qəsəbəsi və Ünəş, Əsədabad, Daşkənd, Çayüzü, Dağüzü, Qaraqaya, Avun, Şiləvəngə,
Mamulğan, Ökü, Gavran, Cerimbel, Yeni Abidinli, Gilar, Xanbulaq, Perimbel, Avaş, Deman, Peştəsər, Arvana,
Kürəkçi, Gərsəva, Alar, Şıxhüseynli, Hamarkənd, Bürzünbül, Anzov, Abasabad, Solqard, Zenqaran, Bozayran,
Osnakəran, Dəryavar, Vəlixanlı, Qabaqdibi, Köryədi, Mişkireyin, Sırıq, Alçabulaq, Odrakəran, Arus, Mirimli,
Tahirli, Məlikli, Şələ, Horavar, Əfçədulan, Keçələkəran, Vərov, Zəngələ, Əngövül, Vərgədüz, Bilnə, Yolocaq,
Horonu, Separadi, Teşkan, Telavar, Şovut, Porsova, Honuba-Şıxlar, Zeynələzir, Honuba, Gügavar, Tilə, Ərsilə,
Jiy, Ləzran, Eçara, Şıxlar, Gölyeri, Təzəkənd, Bərcan, Ləzir, Ze-vin, Çanaxbulaq, Gendərə, Musa, Ostair,
Dəlləkli, Nisəqala, Urakəran, Şəfəqli, Fındıqlıqışlaq, Abidinli, Avur, Yuxarı Astanlı, Aşağı Astanlı, Qaravuldaş,
Abasallı kəndləri daxildir.
Səthi dağlıqdır (Talış, Peştəsər, Burovar silsilələri). Ən hünd. zirvələri Şahnişin (2490 m) və Peştəsərdir
(2244 m). Ərazisində, əsasən, Paleogen çöküntüləri yayılmışdır. İqlimi yayı quraq keçən mülayim istidir. Orta
temperatur yanvarda 2-3°C, iyulda 20-24°C-dir.