Yevlax rayonu
Yaranma tarixi - 05.02.1935
Ərazisi - 1,47 min kv. km
Əhalinin sayı - 129,7 min nəfər (1 yanvar, 2020-ci il)
Əhalinin sıxlığı – 1 kv. km 88 nəfər (1 yanvar 2020-ci il)
Şəhər - 1
Kəndlərin sayı - 46
Qəsəbələrin sayı – 3
Yevlax rayonu ilə Bakı arasında olan məsafə - 287 km
Ümumi məlumat
Ötən əsrin 80-ci illərində stansiya kimi salınan və uzun müddət əhali tərəfindən «Vağzal» kimi tanınan
Yevlax XIX əsrin əvvəllərinə aid rəsmi sənədlərdə və mənbələrdə Yelizavetpol quberniyasının Yevlax kəndi,
1920-ci ildən isə Cavanşir qəzasının Yevlax kəndi adlanmışdır.
Azərbaycan SSR MİK-in qərarı ilə 1935-ci ildə Yevlax rayonu təşkil edilmişdir.
1939-cu ilin fevralın 1-də Azərbaycan SSR Ali Sovetinin qərarına əsasən Yevlaxda Şəhər Soveti
yaradılmaqla, Yevlaxa şəhər adı verilmişdir.
1962-ci il dekabrın 26-da çağırılmış Azərbaycan SSR Ali Sovetinin X sessiyasının qərarı ilə Yevlax rayonu
ləğv edilərək ərazisi Ağdaş, Bərdə və Qasım-ismayılov rayonlarına verilmiş, Yevlax Respublika tabeli sənaye
şəhərinə çevrilmişdir.
Azərbaycan SSR Ali Soveti Rəyasət heyətinin 6 yanvar 1965-ci il tarixli fərmanı ilə Yevlax şəhəri
respublika tabeliyində olan şəhərlər sırasına daxil edilmiş və Yevlax şəhərində sənaye müəssisələrinin
tikintisinə başlanmışdır.
Mərkəzi Yevlax şəhəridir.
Rayona Yevlax şəhəri, Aran qəsəbəsi və Qaramanlı, Nəmərli, Köyük, Dəlləklər, Hacımahmudlu, Nuralılar,
Qoyunbinəsi, Malbinəsi, Kövər, Kolanı, Nemətabad, Yaldili, Duzdağ, Salahlı, Xaldan, Quşçu, Varvara, Balçılı,
Ağqıraqlı, Cırdaxan, Ərəbbəsrə, Xanabad, Tanrıqullar, Hürüuşağı, Borçalı, Havarlı, Hacıselli, Əxşam, Marzılı,
Yuxarı Bucaq, Aşağı Bucaq, Yenicə, Bəydilli, Gülövşə, Yuxarı Qarxun, Aşağı Qarxun, Ərəş, Meyvəli, Aşağı
Salamabad, Qaraoğlan, Əcəmi, Səmədabad, Nərimanabad, İsmayılabad, Bünyadabad, Qaraməmmədli,
Rüstəmli, Yuxarı Salamabad kəndləri daxildir.
Səthi düzənlik, şimal və şimal-qərbdə alçaq tirəli-təpəlikdir (Qocaşen, Palantökən, Gəncə Bozdağı