var. İqlimi düzənlik və dağətəyi hissədə
mülayim isti, yüksək dağlıqda soyuqdur. Orta temperatur yanvarda yüksək dağlıq hissədə -10°C-dən, düzənlik
hissədə l°C-yədək, iyulda müvafiq olaraq 5-dən 24°C-yədəkdir. İllik yağıntı 600-1600 mm-dir. Çayları (Katex,
Tala, Muxax və s.) Qanıx çayı hövzəsinə aiddir. Əsasən, allüvial çəmən, qonur, dağ-meşə, çimli dağ-çəmən
torpaqları yayılmışdır. Dağlıq hissədə meşələr geniş sahə tutur. Heyvanları: bəbir, nəcib maral, dağkeçisi,
köpgər (qarapaça), daşlıq dələsi, meşə dələsi, çöl-donuzu, ayı, canavar, vaşaq, meşəpişiyi və s. Quşları: ular,
qartal, qırqovul, tetra və s. Zaqatala Dövlət Təbiət Qoruğunun çox hissəsi rayonun ərazisindədir.
Rayonun iqtisadiyyatında tütünçülük, baramaçılıq, meyvəçilik, taxılçılıq, heyvandarlıq, həmçinin kənd
təsərrüfatı məhsullarının emalı üstünlük təşkil edir.
Zaqatala sözünün yaranmasına dair (etimologiyaya görə) bir neçə rəvayət vardır. Müasir Zaqatala adı
Sakatala (Sak düzü) adını dəyişilmiş formasını təşkil edir. E. ə. VII əsrin əvvəlində Kimmer « Skit dalğaları ilə
Ön Asiyaya düşmüş sak tayfaları Albaniyanın ərazisində də məskən salmışlar və bu ərazi kür çayının sağ sahilindən (Kür-Araz qovşağı daxil olmaqla) Qafqaz dağ ətəklərinə qədərki ərazini tuturdu. Zaqatala rayonu da
qədim Qafqaz Albaniyasının ayrılmaz hissəsi olmaqla onun qərbində yerləşirdi.
Zaqatala sözünün yaranmasına dair ikinci bir rəvayət də vardır. Guya qədim zamanlarda bu ərazi sıx
meşələrlə örtülmüşdü və Zəkəriyyə adlı bir şəxs meşəni qıraraq Tala açdı və özünə ev tikdi. Həmin ərazini yerli
əhali «Zəkəritala» adlandırdı, bu da Zəkəriyyənin talası (düzü) deməkdir. Sonralar Zəkəritala adlı kənd yarandı
və zaman keçdikdə bu ad öz toponimiyasını dəyişərək Zaqatala oldu. 1803-cü ildə Zaqatala qəzası Rusiyanın
tərkibinə daxil olmuşdur.
Kütləvi informasiya vasitələri haqda məlumat
Rayonun əsas mətbuat orqanı olan «Zaqatala» qəzeti 1923-cü ilin mart ayının 8-də fəaliyyətə başlamışdır.
İlk əvvəllər