Zaqatala rayonu
Yaranma tarixi - 08.08.1930
Ərazisi - 1,35 min kv .km
Əhalinin sayı - 129,8 min nəfər (1 yanvar, 2020-ci il)
Əhalinin sıxlığı – 1 kv. km 96 nəfər (1 yanvar 2020-ci il)
Şəhər - 1
Kəndlərin sayı – 60
Qəsəbələrin sayı – 2
Zaqatala rayonu ilə Bakı arasında olan məsafə - 372 km
Ümumi məlumat
Mərkəzi Zaqatala şəhəridir.
Zaqatala rayonu Azərbaycan Respublikasının şimal-qərbində, Böyük Qafqaz sıra dağlarının cənub
yamacları Qanıx-Əyriçay vadisində yerləşir. Cənubdan Gürcüstan Respublikası, şimaldan Dağıstan
Respublikası, qərbdən və şərqdən Azərbaycan Respublikasının Balakən və Qax rayonları ilə həmsərhəddir.
Şəhər dəniz səviyyəsindən 535 metr hündürlükdə Azərbaycan Respublikasının paytaxtı olan Bakı şəhərindən
445 km aralıda, Tala çayının sahilində, Yevlax-Balakən şosesi yolunun üzərində nəhəng İpək yolunun üstündə
vaxtı ilə Şərqin ən böyük ticarət mərkəzlərindən (bazarlarından) olan «Əskibazarın» (yer adı tamamilə
öyrənilməmişdir) 25-30 km-də Böyük Qafqaz silsiləsinin cənub ətəyində yerləşir.
Rayona Zaqatala şəhəri, Qazangül, Əliabad qəsəbələri və Aşağı Tala, Yeni Suvagil, Mosul, Muğanlı, Yuxarı
Çardaqlar, Əlibayramlı, Qalal, Qarqay, Əzgilli, Bəhmətli, Kürdəmir, Göyəm, Çökəkoba, Dardoqqaz, Sumaylı,
Gözbaraq, Mamrux, Ələsgər, Cimcimax, Danaçı, Aşağı Çardaqlar, Uzunqazmalar, Car, Kebeloba, Oxoxdərə,
Zilban, Dombabinə, Mamqabinə, Bozbinə, Mücəkbinə, Masqarabinə, Həsənbinə, Xanmədbinə, Yengiyan,
Kəpənəkçi, Qandax, Faldarlı, Lahıc, Sabunçu, Maqov, Yolayrıc, Paşan, Voytala, Oytala, Abalı, Fındıqlı, Mazıx,
Qəbizdərə, Uzuntala, Bərətbinə, Çiçibinə, Muxax, Zəyəm, Çobankol, Qımır, Bazar, Yuxarı Tala, Mişleş,
Çüdülübinə, Laqodexbinə kəndləri daxildir.
Relyefi şimalda və şimal-şərqdə dağlıq, cənub və cənub-qərbdə düzənlikdir. Hündürlüyü düzənlik hissədə
təqr. 200-600 m, dağlıq hissədə 3648 m-ədəkdir (Quton dağı). Düzənlik hissədə Antropogen, dağlıq hissədə isə
Yura və Tabaşir çöküntüləri yayılmışdır. Polimetal və gil yataqları