i təcavüzkarları tərəfindən işğal olunmuşdu. Ermənistan
silahlı qüvvələri tərəfindən işğal edilmiş torpaqların azad edilməsi uğrunda Azərbaycan ordusunun
2020-ci il sentyabrın 27-dən etibarən keçirdiyi hərbi əməliyyatlar nəticəsində Zəngilan şəhəri, rayonun
Mincivan, Ağbənd, Bartaz qəsəbələri və 52 kəndi işğaldan azad edilmişdir.
Kütləvi informasiya vasitələri haqda məlumat
Zəngilan rayonunun ilk və əsas informasiya vasitəsi olan rayon qəzeti 1932-ci ilin sonlarında «Qızıl
Zəngilan» adı ilə nəşr olunmuşdur. Bu qəzet 1937-ci ildən «Stalinçi» adlandırılmış, 1956-cı ildən 1961-ci ilədək
«Zəngilan kommunisti» adı ilə nəşr edilmişdir.
60-cı illərdə Cəbrayıl Rayon İstehsalat İdarəsi üzrə yaradılan «Kolxozçu» qəzeti Zəngilan, Cəbrayıl və
Qubadlı rayonlarını əhatə etmişdir. 1963-cü ilin may ayından Zəngilan Rayon İstehsalat İdarəsinin orqanı
olmaqla «Kənd həyatı» qəzeti Qubadlı, Laçın və Zəngilan rayonlarına xidmət göstərmişdir.
1966-cı ildə istehsalat birlikləri ləğv edilmiş, «Kənd həyatı» qəzeti Zəngilan rayon partiya komitəsinin və
XDS İcraiyyə Komitəsinin orqanı kimi fəaliyyətini davam etdirmişdir.
1992-ci ildə Zəngilan rayon qəzeti öz tarixində 5-ci dəfə ad dəyişikliyinə məruz qalmış və ilin ikinci
yarısında «Zəngilan səsi» adı altında çıxmışdır. O vaxtlar bu qəzetin redaksiyasında 20 nəfərdən artıq yaradıcı
və texniki işçi çalışmışdır. Rayon İcra Hakimiyyətinin köməkliyi ilə «Zəngilan səsi» köçkünlük dövründə də öz
fəaliyyətini davam etdirir.
Tarixi və memarlıq abidələri haqda məlumat
Rayonun Məmmədbəyli kəndində olan türbə dövrümüzə qədər salamat gəlib çatan abidələrdəndir. Günbəzin
yuxarı hissəsi azca dağılmışdır. Türbə piramida günbəzlərlə örtülmüş səkkizguşəli prizmadan ibarətdir.
Türbənin əsas qapısı şimal-qərb tərəfdədir. Onun üzü çox sadə işlənmişdir. Üz müstəvilərinin əsas hissələri
batıqdır. Buna görə də türbənin küncləri bir qədər çıxıntılıdır. Türbənin qapısı yerdən 1,8 m. hündürlükdədir.
Orada yeraltı sərdabədə