Zərdab rayonu
Yaranma tarixi - 05.02.1935
Ərazisi - 0,86 min kv. km
Əhalinin sayı - 59,3 min nəfər (1 yanvar, 2020-ci il)
Əhalinin sıxlığı – 1 kv. km 69 nəfər (1 yanvar 2020-ci il)
Şəhər - 1
Kəndlərin sayı - 40
Qəsəbələrin sayı – 1
Zərdab rayonu ilə Bakı arasında olan məsafə - 231 km

Ümumi məlumat

Zərdab rayonu 1935-ci ildə təşkil edilmişdir. 1963-cü ildə ləğv edilərək ərazisi Ucar rayonuna verilmiş,
1965 ildə yenidən bərpa olunmuşdur. Şirvan düzünün cənub-qərbindədir. Zərdab rayonu respublikanın
paytaxtından 231 km-lik bir məsafədə Ucar, Kürdəmir, İmişli, Ağdaş və Ağcabədi rayonları ilə həmsərhəd bir
ərazidə yerləşir. Mərkəzi Zərdab şəhəridir. Əhalinin milli tərkibini azərbaycanlılar təşkil edir. Həmçinin rayonda
rus, tatar, ukraynalı və digər millətlərin 100 nəfərə qədər nümayəndələri yaşayır.
Rayona Zərdab şəhəri, Bəyimli qəsəbəsi və Bıçaqlı, Yuxarı Seyidlər, Siləyli, Körpükənd, Məlikli, Burunlu,
Qoruqbağı, Sarıqaya, Məmmədqasımlı, Gödəkqobu, Yarməmmədbağı, Lələağacı, Pərvanlı, Gəlmə, Salahlı,
Hüseynxanlı, Xanməmmədli, Əlibəyli, Allahqulubağı, Çallı, Məlikumudlu, Cülovxanlı, Dəliquşçu, Dəkkəoba,
İsaqbağı, Qaravəlli, Böyük Dəkkə, Nəzəralılı, Şıxbağı, Gəndəbil, Ağabağı, Şahhüseynli, Şəftəhal, Aşağı
Seyidlər, Əlvənd, Otmanoba, Birinci Əlicanlı, İkinci Əlicanlı, Qoşaoba, Təzəkənd kəndləri daxildir.
Rayonun səthi düzənlikdir. Ərazisinin çox hissəsi dəniz səviyyəsindən aşağıdadır. Antropogen çöküntüləri
yayılmışdır. Gil yatağı var. Yayı quraq keçən mülayim isti və quru çöl iqliminə malikdir. Orta temp-r yanvarda
1,8°C, iyulda 26,2°C-dir. İllik yağıntı 335 mm-dir. Türyan çayının aşağı axını (Qarasu) Zərdab rayonu
ərazisindədir. Rayonun cənub və cənub-qərb sərhədindən Kür çayı axır. Boz-çəmən torpaqları yayılmışdır.
Bitkiləri yarımsəhra tiplidir. Kür çayı sahilində tuqay meşələri var. Heyvanları: canavar, tülkü, boz dovşan,
ceyran, çöldonuzu, qumsiçanı və s. Quşları: turac, qırqovul, göyərçin və s.
Rayonun iqtisadiyyatında