Bölüm 1...

Bu gün diplomumu almaq üçün universitetə yollanmışdım... Baxmayaraq ki, universiteti bitirməyimdən bir il keçmişdi, mən hələ də gedib diplomumu götürməmişdim... Çünki son dəfə gedişimdə onunla getdiyim üçün yenidən ora getmək istəmirdim. Amma məcbur idim... O qədər bikef idim ki, ayaqlarımı ardımca zorla sürüyürdüm... Gecə səhərə kimi yatmamağım gözlərimdə öz əksini tapmışdı... Universitetin həyətinə daxil olar olmaz içimdə dərin bir ağrı-acı hissi baş qaldırmışdı... İstehza ilə ətrafı süzdükdən sonra əsəblə alt dodağımı dişləyib binaya doğru irəliləməyə başladım... Onun mənə yaşatdıqlarından sonra hər şeyə nifrət etməyə başlamışdım... Hətta bir quş tək uça-uça gəldiyim, çox sevdiyim bu universitetə də... Qapıdan içəri girib pilləkənlərə doğru yönəldim... Ağlamaq istəməsəm də əlimdə olmadan gözümdən iki damla yaş süzülməyə başladı... Gözümün yaşını silə-silə yuxarı qalxırdım ki, yuxarıdan aşağı sürətlə qaçaraq gələn biri anidən mənimlə toqquşdu... Müvazinətimi itirməyim deyə özümü zorla saxlayıb, tez divardan tutdum və bayaqdan sıxıb saxladığım göz yaşlarımı sərbəst buraxdım... Əslində onun mənə dəyib qolumu əzməyi bəhanə idi... Mən onsuz da qapıdan içəri addım atar-atmaz bulud kimi dolmuşdum. Amma ətrafdakılar nə deyərlər deyə özümü zorla tuturdum. Bu mənim üçün əla bəhanə idi... Oğlan mənim ağladığımı görüb yavaşca qoluma toxunaraq: - Üzr istəyirəm. İstəmədən oldu. Bir anda çıxdınız qarşıma, sizi görmədim. Yaxşısiz?! deyərək diqqətlə üzümə baxdı... Başımla "hə" deyə işarə edərək qolumu geri çəkdim. Göz yaşlarımı silib yenidən yoluma davam etdim. O isə yerindən tərpənmədən arxadan məni izləyirdi... Az sonra diplomumu alıb sürətlə bu lənət olası universitetdən uzaqlaşmaq üçün aşağı enib qapıya doğru yönəldim... Əlimi cəftəyə atmaq istəyirdim ki, birinin mənim üçün qapını açıb: - Buyurun! deməsi ilə başımı qaldırdım. Bu az əvvəl mənimlə toqquşan həmin oğlan idi... Yenə də ona heç nə demədən, gözlərimlə təşəkkür edərək yoluma davam etdim. Amma deyəsən