gedim! deməyi ilə sanki qurbağa gölünə daş atılmışdı... Atam, anam, Ləman və mən heyrətlə Raufa baxırdıq... Eldar əmi isə bir anda qıpqırmızı olmuşdu... Bu an Bəsti xala gülərək: - Yalnış anlamayın Rauf nişan, xına, toy belə şeylərə şou kimi baxır. Hər zaman da deyir artıq şeylərdi. İki gənc bir-birini sevirsə nəyə lazım bu qədər milləti yığmaq deyərək Raufa baxmışdı... Bu zaman Eldar əmi də şaqqanaq çəkərək gülüb: - Həə, bizim oğlan müasirdir də nə edək? deyərək abu-havanı yumşaltmağa çalışmışdı... Sonra Raufa baxaraq: - Beş dəqiqə də otur birlikdə çıxarıq deyərək Raufun çiyninə əli ilə yavaşca vurmuş, sonra çiynindən sıxaraq otur demişdi... Əslində isə ona "Sənə evdə gününü göstərəcəm" demək idi bütün bunlar... Anamla atam bu olanlardan məmnun olmasa da Eldar əmi gili qırmamaq üçün yalandan gülmüşdülər... Atasının "Otur!" deməyindən sonra Rauf da məcbur oturmuşdu.. Amma durmadan sağ ayağını tərpədirdi... Bu da onun çox gərgin və əsəbi olduğuna işarə idi... Az sonra Eldar əmigil bizimlə sağollaşıb evlərinə yollanmışdılar. Onlar gedər getməz anam: - Fazil, heç xoşum gəlmədi Raufun dediyindən, xəbərin olsun! Sən Eldarla danış. Mən qızımı çöldən tapmamışam. Əgər Rauf istəmirsə yol yaxın ikən dönək! Sonra çox gec ola bilər deyərək öz narazılığını bildirmişdi.... Fazil de başı ilə razılıq verərək bu işdən məmnun olmadığını işarə etmişdi... *** Eldar yol boyu ağzını açıb bir kəlimə belə söyləməmişdi... Rəngi elə boğulmuşdu ki, bıçaq vursan qanı çıxmazdı... Bəsti xanım da artıq bunun xeyrə əlamət olmadığına əmin idi.... Evə girər girməz Eldar Raufa bir şillə çəkərək: - Ə, küçük, belə qudurmusan sən? Heç utanırsan dediyin sözdən! Məni onların yanında nə hala qoyduğunun fərqindəsən? deyə qışqıraraq dəliyə dönmüşdü... Bəsti də, Rauf da şokda idilər. Çünki ilk dəfə idi Eldarı belə görürdülər və ilk dəfə idi o, oğluna əl qaldırırdı... Rauf istehza ilə gülərək: - Onlar, onlar, onlarrrr! Heç bir dəfə də olsa maraqlanmısan sənin doğma oğlun nə istəyir?! Anamla sevib