Ordubad rayonu
Ümumi ərazi – 0,98 min.kv.km
Əhalinin ümumi sayı – 50,2 min (1 yanvar, 2020-ci il)
Əhalinin sixlığı - 1 kv. km 51 nəfər (1 yanvar 2020-ci il)
Şəhərlərin sayı - 1
Qəsəbələrin sayı - 3
Kəndlərin sayı - 43
Ümumi məlumat
Ordubad çox qədim tarixə malik, özünün milli-mənəvi dəyərləri
ilə seçilən rayondur. Kiçik Qafqaz sıra dağlarının Qapıcıq zirvəsinin
ətəklərində yerləşir. Relyefi əsasən dağlıq, az bir hissəsi dağətəyi, 5-
6 faizi isə aran ərazidən ibarətdir. Son dərəcə zəngin bitki florası və
faunası vardır. Yaşayış məntəqəsi əsasən dağətəyi ərazidə yerləşir.
Əkinçilik üçün su ehtiyatına və içməli su mənbələrinə malikdir.
Cənubdan İran İslam Respublikası, şimaldan və şərqdən
Ermənistanla həmsərhəd olmaqla, qərbdən Culfa rayonu ilə
qonşudur. Mərkəzi Ordubad şəhəridir.
Ordubadın salındığı dəqiq tarix müəyyənləşdirilməmişdir. Lakin bu ərazi dünyada ən qədim insan
məskənlərindən biri, bəşəriyyətin yaranma ocağı sayılır. Ordubad adına ilk dəfə V əsr yazılı mənbələrində
təsadüf olunur. Qədim dünyanın ən müqəddəs panteonlarından biri sayılan Gəmiqaya dağı da Ordubaddadır.
Dağın üzərindəki təsvirlər və buradakı yurd yerləri Ordubad ərazisində e. ə VII-I minilliklərdə yaşamış qədim
əhalinin həyat tərzini və mədəni inkişaf yollarını izləməyə imkan verir. Ordubadın yaşayış məntəqələrindən olan
Sabirkənd, Plovdağ və Xaraba Gilan ərazisində e. ə. II-I minilliklərə aid mədəniyyət qalıqları ilə zəngin olan
yaşayış yerləri və nekropollar mövcuddur. Bu da Ordubadın 7 min il yaşı olduğunu sübut edir.
XVIII əsrin əvvəllərində Ordubad Səfəvilər imperiyasının tərkibinə daxil idi. 1724-cü ildən Ordubad
Osmanlıların, daha sonradan işə Nadir şahın hakimiyyəti altına keçmişdir. XX əsrin əvvəllərində erməni
terrorunun qurbanı olan minlərlə Ordubad sakinləri çoxlu işgəncələrə məruz qalmışlar.
Ordubadın möcüzəli təbiəti, sirli aləmi və təbii gözəlliyi XIX « XX əsrlərdə buraya səyahət etmiş bir sıra
səyyahların marağına səbəb olmuşdur. Rus