TİKİNTİ


Blokada şəraitində yaşamasına baxmayaraq son illər Naxçıvan Muxtar Respublikasında inkişaf dinamikasına görə ən çox fərqlənən sahə tikinti sektorudur.

Tikinti-quruculuq işlərinin bütün bölgələrdə, hətta ən ucqar dağ kəndlərində həyata keçirilməsi ilə bərabər, diqqəti cəlb edən əsas xüsusiyyətlərindən biri də tikilən obyektlərin müxtəlif təyinatlı olmaqla təsərrüfat fəaliyyətinin bütün sahələrini əhatə etməsidir. Bunun nəticəsidir ki,

Muxtar Respublikada 1995-2016-ci illər ərzində 204 elm və təhsil ocağı, o cümlədən 151 ümumtəhsil məktəbi,207 səhiyyə obyekti, 276 mədəniyyət obyekti, 26 idman obyekti, 287 inzibati bina, o cümlədən 119 şəhər, qəsəbə və kənd mərkəzi, 57 nasos stansiyası, 296 subartezian quyusu, 103 körpü, əlil, məcburi köçkün, qaçqın və şəhid ailələri, təbii fəlakətdən zərərçəkənlər və digər bu kimi kateqoriyalardan olan şəxslər üçün 491 fərdi ev tikilmiş, 170 halda elm və təhsil ocağı, o cümlədən 116 halda ümumtəhsil məktəbi, 59 halda səhiyyə müəssisəsi, 174 halda mədəniyyət obyekti, 23 halda idman obyekti, 266 halda inzibati bina, o cümlədən 23 qəsəbə və kənd mərkəzi, 114 halda nasos stansiyası, 115 halda subartezian quyusu, 64 halda körpü, təbii fəlakətdən zərərçəkən ailələr üçün 21 fərdi ev yenidən qurulmuş və ya əsaslı təmir olunmuşdur.