ENERGETİKA
1990-cı illərin əvvəllərində Ermənistan tərəfindən Naxçıvan Muxtar Respublikasına gələn təbii qaz və elektrik enerjisi xətlərinin kəsilməsi enerji təchizatında çox ciddi problemlər yaratmışdı. Lakin o vaxtlar muxtar respublikada Ali Məclisin Sədri olan ümummilli lider Heydər Əliyevin gərgin əməyi, qonşu Türkiyə Respublikası və Iran Islam Respublikası ilə aparılan danışıqlar nəticəsində muxtar respublikaya elektrik enerjisinin idxal olunması üçün müvafiq tədbirlər həyata keçirilmiş və problem qismən aradan qaldırılmışdır.


2004-cü ildə Azərbaycan Respublikası ilə İran İslam Respublikası arasında bağlanmış müqaviləyə əsasən 2005-ci ilin sonlarından etibarən İran ərazisindən mübadilə olunmaqla muxtar respublikaya təbii qazın verilməsi təmin olunmuşdur. Haliyədə Naxçıvanın bütün ərazisi qazlaşdırılmışdır.

Təbii qazın nəqli elektrik enerjisinə olan tələbatı azaltmaqla yanaşı, bu tələbatın daxili istehsal hesabına ödənilməsi istiqamətində də geniş imkanlar yaratmışdır. Elektrik enerjisinə olan tələbat gücü 87 meqavat olan Naxçıvan Modul Elektrik Stansiyası, gücü 60 meqavat olan Naxçıvan Qaz-Turbin Elektrik Stansiyası, gücü 22 meqavat olan Araz Su Elektrik Stansiyası, gücü 22 meqavat olan Biləv Su Elektrik Stansiyası, gücü 20.5 meqavat olan Arpaçay-1, gücü 1.4 meqavat olan Arpaçay-2 Su Elektrik Stansiyası və Heydər Əliyev Su Anbarı üzərində istifadəyə verilən gücü 4,5 meqavat olan su elektrik stansiyası vasitəsilə fasiləsiz olaraq ödənilir. Görülmüş tədbirlərin nəticəsi olaraq muxtar respublika elektrik enerjisi idxalçısından enerji ixracatçısına çevrilmişdir.

2015-ci ildə 20 meqavat gücə malik günəş elektrik stansiyasının istismara verilməsi isə gələcəkdə Naxçıvan Muxtar Respublikasının enerji təminatının tamamilə alternativ və bərpa olunan enerji mənbələri hesabına ödənilməsinə imkan verəcəkdir.

İl ərzində istehlakçıların fasiləsiz olaraq təbii qazla təchiz edilməsi üçün mövcud infrastrukturun yenilənməsi diqqət