KƏND TƏSƏRRÜFATI
Həyata keçirilmiş tədbirlər nəticəsində kənd təsərrüfatı məhsulları istehsalının həcmi ildən-ilə artır. 2016-cü ildə muxtar respublikada 94117 ton taxıl, 6651 ton dənli paxlalılar, 10460 ton dən üçün qarğıdalı, 725.5 ton dən üçün günəbaxan, 46409 ton kartof, 83141.8 ton tərəvəz, 38201.2 ton bostan məhsulları istehsal olunmuşdur.

Bağçılıq muxtar respublikada xüsusi ənənələrə malik sahələrdəndir. Azərbaycanın bu bölgəsinin ekoloji cəhətdən saf və təmiz meyvələri qədim zamanlardan məşhurdur. 2016-cü ildə muxtar respublika üzrə 51979,8 ton müxtəlif çeşidlərdə meyvə, 15581,2 ton üzüm istehsal olunmuşdur.

Heyvandarlığın inkişafında müşahidə olunan meyllər heyvandarlıq məhsulları istehsalına da müsbət təsir göstərmişdir. 2016-ci ildə 25765.7 ton ət (diri çəkidə), 81371.6 ton süd, 80422 min ədəd yumurta, 1022.1 ton yun istehsal olunmuşdur.

Aqrar sektorun inkişafını və modernləşdirilməsini sürətləndirmək, kənd təsərrüfatı məhsulunun həcmi ilə yanaşı, onun ixrac imkanlarını da artırmaq məqsədilə 2016-ci il ölkəmizdə, o cümlədən Naxçıvan Muxtar Respublikasında “Kənd təsərrüfatı ili” elan olunmuşdur.

Aqrar sahəyə dövlət büdcəsindən subsidiyaların ayrılması kənd təsərrüfatının inkişafına xüsusi təkan vermiş, 2015-ci ilin məhsulu üçün 61 min 526 hektar sahədə əkin aparılmışdır.

“Naxçıvan Aqrolizinq” Açıq Səhmdar Cəmiyyətinin xətti ilə 66-sı 2016-ci ildə olmaqla, son illər muxtar respublikaya 1751 ədəd müxtəlif təyinatlı kənd təsərrüfatı texnikası və texnoloji avadanlığının gətirilməsi istehsalçıların əməyinin yüngülləşdirilməsinə öz təsirini göstərmişdir. Məhsuldarlığı artırmaq məqsədilə torpaq mülkiyyətçiləri 4923.3 ton mineral gübrə ilə təmin olunmuşdur.

2015-ci ildə meliorasiya və suvarma sistemlərinin təkmilləşdirilməsi istiqamətində tədbirlərin davam etdirilməsi nəticəsində 6 min hektar torpaq sahəsi əkin dövriyyəsinə daxil edilmişdir.

Strateji əhəmiyyətinə görə taxılçılıq əkinçiliyin əsas