Qonaqkənd — Azərbaycan Respublikasının Quba rayonunun inzibati ərazi vahidində qəsəbədir.

Qonaqkənd

41°04′27″ şm. e. 48°36′32″ ş. u.
Ölkə
Azərbaycan
Rayon
Quba rayonu
Tarixi və coğrafiyası
Mərkəzin hündürlüyü
1.076 m
Saat qurşağı
UTC+04:00

Tarixi

Qubanın qədim kəndlərindən biri hesab olunur. Qədim tarixə malik olan bu kənd Sasanilər İmperiyası zamanında İrandan bura köçürülən tat mənşəli əhali burada hələ də yaşayır. SSRİ dövrundə bura ən mühüm hərbi-strateji mövqelərindən biri olmuşdur.

1959-cu ilin dekabr ayına qədər Qonaqkənd rayon mərkəzi olmuşdur. İndiki qəsəbədə vaxtilə bütün dövlət strukturları fəaliyyət göstərib. Hətta "Staxanovçu maldar" adlı qəzet də nəşr edilmişdir.

Coğrafiyası

Qəsəbə çayın içində — vadisində yerləşir. Yaşayış məntəqəsinin arxasındakı dağlardan axıb gələn sel suları da qəsəbə üçün həmişə təhlükə yaratmışdır.

Yol

2013-cü ildə altmış səkkiz min nəfər əhalinin yaşadığı 66 yaşayış məntəqəsini birləşdirən Quba-Qonaqkənd avtomobil yolunun tikintisi məqsədi ilə Azərbaycan Respublikası Prezidentinin ehtiyat fondundan Azərbaycan Respublikasının Nəqliyyat Nazirliyinə ilkin olaraq 2,0 (iki) milyon manat ayrılmışdır.

Təhsil və səhiyyə

Hazırda burada 6 məktəb, 2 feldşer-mama məntəqəsi, 1 xəstəxana fəaliyyət göstərir.

Əhalisi

Əhalisinin bir hissəsi tatlardan ibarətdir. Tat dilinin xüsusi ləhcəsində – Qonaqkənd ləhcəsində danışırlar.

Şəxsiyyətləri

Vahid Əhmədov — Azərbaycanın ictimai-siyasi xadimi; Azərbaycan Ali Sovetinin deputatı (1990–1995); Azərbaycan Respublikası Milli Məclisinin 52 saylı Quba seçki dairəsindən seçilmiş III və IV çağırış millət vəkili. Azərbaycan SSR-in əməkdar mühəndisi; texnika elmləri doktoru.

Vətən müharibəsi şəhidləri

Orxan Ömərov - Çavuş
Sadiq Azayev - Çavuş
Cəlil Məmmədov - Əsgər