n qonaqları burada darıxmayacaq. Burada kanoedə avar çəkmək, böyük və stolüstü tennis oynamaq olar. Bundan əlavə, çoxsaylı dəniz əyləncələri və mütəşəkkil şəkildə meşəyə və yerli diqqətəlayiq yerlərə ekskursiyalar da təşkil edilir. Bu cür istirahət Sizin sağlamlığınıza mükəmməl təsir göstərməklə yanaşı, həm də Sizə şəhər səs-küyünü unutmaq imkanı verəcəkdir.

Rahat və gözəl mühitə sahib olan “Atlant” oteli tam dəyərli ailəvi və romantik istirahət üçün son dərəcə uyğun yerdir.


“Palma” turizm kompleksi tam dəyərli istirahət etmək üçün heyranedici yerdir. Kompleks Azərbaycanın ən gözəl yerlərindən biri olan Nabran şəhərinin yaxınlığında, Xəzər dənizinin tam sahilində yerləşir. 6,5 hektar əraziyə sahib olan otelin bir hektarlıq sahəsində əsl təbii meşə yerləşir. Meşə unikal ağac növlərindən ibarətdir və öz təkrarolunmaz gözəlliyi ilə seçilir.

Palma kurortu

“Palma” kurortu sadəcə adi istirahət yeri deyil, bura Sizin sağlamlığınız üçün əsl hədiyyədir. Təmiz hava, dəniz suyu və ideal ekoloji şərait Sizə möhtəşəm təəssüratlar bəxş etməklə yanaşı, həm də Sizin bədəninizi sağlamlaşdıracaqdır.

Qonaqlarının qaldığı rahat və komfortlu kotteclər heyrətamiz gözəl ağaclar, fəvvarələr və güllərlə əhatə olunub.

Otelin ərazisində böyük restoran kompleksi yerləşir. Bura mağaza, 150 nəfərlik banket zalı, çayxana, kafe, diskoteka və 3 bar daxildir. Restoranda geniş çeşidli milli və Avropa mətbəxi təklif olunur. Oteldə yüksək Avropa standartlarına uyğun olaraq təchiz olunmuş 120 nəfərlik konfrans zalı mövcuddur. Azərbaycan, rus və ingilis dillərinə sinxron tərcümə xidməti də təflik olunur.

“Palma” turizm kompleksi şəxsi tennis kortuna, badminton, voleybol və basketbol meydançalarına da sahibdir. Kompleksin ərazisində stolüstü tennis üçün masa və bilyard otağı da yer almaqdadır. Sizin uşaqlarınızı isə xüsusi oyun meydançası sevindirəcək.

Otelin qonaqları ən müasir su təmizləmə sisteminə sahib olan, Almaniya və Türkiyədə istehsal olunmuş iki hovuzdan da istifadə