. Mən boşandım, sən isə nişanlı olduğun halda xoşbəxt deyilsən deyə öz-özünə gileyləndi...

****
Səhər gözlərimi anamın:
- Qızım bu təzə yatmaq növüdür? Nə paltarlarını dəyişmisən, nə də üstünü örtmüsən. Xəstələnəcəksən! səsinə açıb bütün bədənimin quruduğunu hiss etdim..

- Ana, necə yatıb qalmışam, heç xəbərim olmayıb. Offf, hər yerim də ağrayır - deyərək zorla yataqdan qalxdım...

Anam:
- Gəl bura, gəl! deyərək məni otuzdurub biraz kürəyimi, boynumu ovxaladı və:
- Birazdan Bəsti xalan gələcək. Dur sən də bir tikə çörək ye, sonra evə əl gəzdirək deyərək otaqdan çıxdı...

Mən də cəld ardınca çıxaraq:
- Niyə? Nəsə olub? deyə həyəcanla soruşduğumda anam:

- Yox ay balaz nə olasıdır?! Evdə darıxır. Deyir gəlim biraz söhbət edək - deyə cavab verdi...

Mən:
- Anladım ana! deyib, əl-üzümü yumağa getdim...

Artıq günorta idi. Qapının zəngi çalınması ilə cəld qapını açmağa qaçmışdım. Bayaqdan səbrsizliklə Bəsti xalanın gəlişini gözləyirdim. Onun ağzından Rauf haqqında çıxacaq hər hansı bir kəliməyə möhtac idim. Çünki özümü sındırıb daha Raufu yığmamışdım...

Öpüşüb görüşdükdən sonra onu içəri dəvət edib, gəlib yanında əyləşdim...
Bəsti xala universitetdə dərslərim və imtahanlarımla bağlı məni sorğu sual etdikdən sonra anam:
- Pəri, dur çay süz deyərək məni mətbəxə yolladı. Getmək istəməsəm də məcburən ayaqlarımı sürüyərək mətbəxə doğru getdim... Mən çaydanı qazın üstünə qoyub stəkanları hazırlayırdım ki, anamla Bəsti xalanın pıçıltı ilə danışığını eşidib, qapıya yaxın gələrək qulaqlarımı şəklədim... Bəsti xala o qədər astadan danışırdı ki, onu eşitmək çox çətin idi... Görəsən nə baş verirdi? Onlar niyə belə pıçıltı ilə danışırdı?! Mənim eşitməyimi istəmədikləri bəlli idi...

Nəfəsimi dərmədən qapıya daha da yaxın gedib dinləməyə davam etdim. Bəsti xala anama:
- Ay Rəna, dünən Rauf evə gec gəlib, həm də sərxoş... Öncə harda və niyə sərxoş olduğunu soruşmaq istəsəm də bunun mənasız olduğunu anlayıb səhərə saxladım. Çox narahatam ona görə. Heç