vaxt belə şey etməyib indiyə kimi... Görəsən Pərvanə ilə aralarında söz-söhbət olmayıb dediyi anda içimi çəkdim və öz-özümə "Sərxoş?!" deyə təkrarladım...

Anam təəccüblə:
- Nə deyim vallah. Heç bilmirəm ki. Amma dünəndən Pərvanənin də halı hal deyil. Evin içində vurnuxub durub. Gecə də üstü açıq, elə paltarlı yatağında yatıb qalıb deyərək barmağını dişlədi...

Bəsti xala:
- Maraqlıdı nə baş verib aralarında? Pərvanəni də çox sıxışdırmaq istəmirəm. Bu gün Rauf işə də getməyib deyə onun yanından səninlə danışa bilmədim. Özünə də sual verirəm ki, "Nə olub?!", "Heç nə!" deyir başqa da heç nə demir... Allah üzümüzə baxdı ki, Eldar Dubaydadı. Yoxsa onu bu halda görsə heç yaxşı olmazdı...

Anam:
- Boy, nə yaxşı gedib ora? deyə təəccüblə soruşdu...

- Nəsə iş görüşməsi var. 3-4 günlük gedib...

- Fazil nəcəb getməyib görəsən? Bunların işi gücü birdi axı. Heç mənə də heç nə deməyib o haqda - dediyi zaman Bəsti xalanın üz ifadəsi anidən dəyişmişdi... Anam özü də istəmədən Bəsti xalanın ürəyinə qurd salmışdı...

Mən çayları süzüb gətirdiyim zaman Bəsti xala rəng verib, rəng alırdı... Onu elə istilik basmışdı ki, çantasından yelpik çıxararaq durmadan özünü yelləyirdi... Anamın:
- Nə oldu Bəsti?! İstidisə pəncərəni açım deməyi ilə Bəsti xala:
- Yox, yox! Nəsə bir anda ürəyim sıxıldı. Qəribə bir ağırlıq çökdü üstümə. Yəqin təzyiqim qalxıb. Mən artıq gedim deyərək ayağa qalxdı...

Anam da ayağa qalxaraq:
- İndi gəlmişdin ki. Heç olmasa çayı içib sonra gedərdin. Həm bu halda hara gedirsən desə də Bəsti xala:
- Başqa vaxt inşaallah deyərək çıxıb getmişdi...

Anam:
- Allah, Allah! Nə oldu bu qadına belə?! Özü zəng edib "Evdə darıxıram gəlim" deyir, özü də gəlib heç 5 dəqiqə oturmadan qaçır deyərək mənə baxmışdı...
Mən də çiyinlərimi çəkərək çayları geri mətbəxə aparıb, sonra yenidən otağıma getmişdim. Rauf haqqında heç nə öyrənə bilmədən otağımda oturub onun nə vaxt zəng edəcəyini gözləyirdim... Sıxıntıdan az qalırdı ürəyim partlasın... Amma əlimdən də