yeyəcəyini bildirib çıxmışdı.
Fateh oğlunun həyatındakı tək-tük maraqlarından biri olan dostunun gəlməsinə sevinmişdi.Cavidan isə illər sonra onun marağını çəkə biləcək ilk səbəbi tapmışdı və onun diqqətini bu gözəl səbəbdən heç nə ayıra bilməzdi.Bu diqqət Yaşarın da gözündən yayınmırdı.
-Mən həyatımda bu qədər dadlı dolma yeməmişdim. - dolmaları yedikdən sonra onlara ilk tərifi də Cavidan vermiş oldu.Bahar cavab belə verməmişdi, Yaşarın fikir bildirməyəcəyini bildiyi halda buna ümid edir və arada bir ərinə nəzər yetirirdi. Yaşar bütün bu vaxt ərzində dinməz qalmağı bacarır və Cavidanın verdiyi qısa suallara ötəri cavab verməklə kifayətlənirdi.
Yeməkdən sonra Cavidanla Yaşar başqa otağa çəkilmiş,Bahar isə mətbəxdə qab yumaq ilə məşğul idi.Baxmayaraq ki, evin qulluqçuları onun bütün bu işlərlə məşğul olmasını istəmir və bunu ona gözaltı baxışlar ilə baxaraq bir-birinin qulaqlarına müxtəlif şeylər pıçıldamaq ilə göstərirdilər.Bahar buna məhəl qoymur , Yaşarın onun yeməkləri barəsində bir kəlmə belə deməməsi kimi fikirlər ilə qabları yumağa davam edirdi.Onun yağlı qablara toxundurduğu əlləri kiminsə boğazına yapışmaq istəyirmiş kimi gərilir və arada bir hərəkətini saxlayır, daha sonra yenidən artıq təmiz olmasına baxmayaraq bir daha yuyulması gərəkirmiş kimi ağ ,qıraqları Nərgiz güllərinin əksiylə bəzədilmiş boşqabları yumağa davam edirdi.
-Yaşar o qıza qarşı hər hansısa hisslərin var, yoxsa onu sadece məcburiyyətdən yanında saxlayırsan? - az öncə gətirilib qarşısındakı kiçik jurnal masasının üzərinə qoyulmuş çaydan bir qurtum alan Cavidan anidən dillənmişdi. Onun bu sualı Yaşarı təəccübləndirmiş deyildi əslində , çünki aşağıda baş verən hadisələrdən sonra dostunun məhz bu tip sual verəcəyini gözləyirdi.Olsun!- öz-özünə fikirləşirdi Yaşar.Burada nə var ki? O, Cavidana da yalan deyə bilərdi ,onu da digərləri kimi bu məsələdə şəxsilik prinsiplərini qorumaq məqsədi ilə hər şeydən uzaq tutmaq istəyirmiş kimi göstərə bilərdi.
-Niyə soruşursan ki? - Yaşar bir az