z aralıda dayanmış ,pəncərədən yazın gəlişi ilə yaşıllaşan bağlarına nəzər yetirirdi.
-Sadəcə, elə bir qızın onu sevməyən şəxslə yaşaması haqsızlıq olardı- Cavidan gözlərini dostunun üzərindən çəkmədən danışır və onun necə münasibət bildirəcəyini səbrsizliklə gözləyirdi.Ay-hay, məgər Yaşar bilmirdimi ki, Cavidan o düşündüyündən də yaxşı tanıyırdı onu? Lakin, Yaşar bir xeyli susdu.Diqqətini aşağıda nə isə çəkmiş kimi özünü aparıb ancaq susdu.
-Yeni işin necədir? Rahat işləyə bilirsən?- mövzunu dəyişmək çətin olmadı Yaşar üçün.Bu onun bu mövzu haqqında danışmaq istəmədiyinə işarə idi.Cavidan da davam etdirməyi düşünmədi, bir az əvvəlki ciddiyyətini kənara qoyub onunla gülər üzlə danışmağa davam etdi.Bəlkə dostunu hansısa məqamda tuta bilərdi? Az, bircə sənə ipin ucu lazımdır, tutdumu buraxmayacaq haa, çəkdimi çəkəcək Cavidan, ta ki, Yaşar özü bezib ipin digər ucunu buraxmayıncaya qədər...
Yaşar həyat yoldaşı ilə arasında soyuqluq olduğunu gizlətməyə çalışırmırdı, fəqət bunu Cavidana ətraflı danışmaq fikrində də deyildi.İstəmirdi ki, dostu onun belə alçaq hərəkət etdiyini, bu qədər gənc və saf olan qızcığaza qapını göstərdiyini və bununla da onun adına ləkə saldığını bilsin.Ona görə də nə Baharla arasında bağladığı saziş haqqında danışacaq,nə də Cavidana onunla arasındakı münasibət haqqında izah verməyəcəkdi.Əslində buna ehtiyac da yox idi, çünki Cavidan bu ailənin natamam olduğunu ilk baxışdan başa düşmüşdü.Güya Cavidan kor idimi? Ya bəlkə Fateh kimi ümidli idi ki, illərlə özündə Nurayın qəmini gəzdirən adam birdən-birə dönüb 20 yaşlı gənc kimi yenidən aşiq olacaq??
Yaşar bilirdi ki, belə tezliklə Cavidan bu məsələni unudan deyil, Bahara olan marağı da digər qızlara olan marağından deyildi.Axı Bahar onların həmişə ünsiyyətdə olduğu qızlardan çox-çox fərqlənirdi.
#Həmin gecəni Bahar Yaşarla danışmaq istəyiylə onu gecəyə qədər gözləmişdi.Yaşar isə məhz bu gözləntini hiss edirmiş kimi uzun müddət Cavidanla vaxt keçirmiş, səhərə yaxın evə dönmüşdü.Nə də olsa