Bölüm 9
-Keçsənə Cavidan ,-Yaşar başı ilə içəriyə işarə etdi, Cavidanın gözləri isə öz istiqamətini dəyişmək istəmirdi.
-Bəlkə bizi tanış edəsən?- onun ilk cümləsi Baharın Yaşara ünvanlanmış baxışlarını nəhayət Cavidana doğru yönəltdi. Bahar bu qarşılaşmanı başqa cür gözləyirdi ,hər şeyə ürəklə hazırlaşmışdı ,nəhayətində isə hər şey bu gənc adam tərəfindən təxirə salınırdı.Bahar nədənsə əmin idi ki, Yaşar öz dostunun qarşısında onun hazırladığı yeməyə fikir bildirməyəcək.Tanıdığı qısa müddət ərzində Yaşarın bu kimi xüsusiyyətlərinə artıq bələd ola bilmişdi.Məhz buna görə də Cavidan hal-hazırda onun üçün planlarını pozan 3-cü və aralarında artıq olan şəxsdən başqa biri deyildi.Nə biləydi ki, bu gələcəkdə də belə olacaqdı.Daha sonralar Bahar belə düşünməyə bilərdi, Yaşar isə əksinə...
-Hə, əlbətdə. Bahar, bu mənim ən yaxın dostum eyni zamanda da düşmənim sayıla biləcək şəxs ...- Yaşar zarafatyana Cavidanın çiyninə əl atıb onu özünə doğru sıxdı.Nədənsə Baharı dostu ilə tanışdırmağa tələsmirdi və bu açıq -aydın görünürdü.Cavidan Yaşarın həyat yoldaşını tanışdırmağa çətinlik çəkdiyini anlamışdı , Baharı ona "Bu da mənim həyat yoldaşım" deyə tanıtdırmasının dostuna nə qədər çətin olduğunu özü də bilirdi. Yaşar ağzını açmağa macal tapmamış dostu onu qabaqlayıb, - Bu da haqqında çox eşitdiyim, amma ilk dəfədir canlı gördüyüm həmin sözdə məşhur Bahardır, elə deyilmi?- dedi.
Yaşar sadəcə təbəssüm etsə də Bahar olduğu kimi qalırdı.Cavidan irəli gəlib onun əlini tutduğunda isə qız diksindi və bu Cavidana o qədər xoş təsir bağışladı ki, dostunun məmnun qalmayacağı ağlına belə gəlmədi.
-Tanış olmağımıza şadam .- Cavidan astadan Baharın incə əlini sıxdı və gülümsədi. Bahar susqun olaraq qalırdı ,gözlərindəki narahatlıq qarşısındakı insandan xoşlanmadığı anlamına gəlirdi.
-Keçək .- az öncəki tonundan tamamilə fərqlənən tərzdə Yaşar içəriyə keçmək təklifini təkrarladı.
Cavidanın gəlişi hər zamanki kimi Yuliyanın iştahını qaçırdığından o, bu gecəni də bayırda axşam yeməyini