və bir-birindən gözəl güllərlə əhatə olunmuş böyük hovuzu vardı. Tam filmlərdəki kimi bir ev idi... Bu evə hər gəldiyimdə evin gözəlliyi məni məst edirdi. Mən belə evləri çox sevsəm də anam həyət evi sevmədiyi üçün biz bina evində yaşayırdıq... Bəsti xala ilə Eldar əmi bizi çox gözəl qarşılamışdı... Evə girdiyimizdə Raufu görməyi ümid etsəm də ümidim boşa çıxmışdı. Çünki o, evdə yox idi... Elə ilk dəqiqələrdən qanım qaralmağa başlamışdı. Eldar əmi baxçaya manqal qoyub kabab çəkməyə hazırlaşırdı. Bu gün şənbə günü olduğu üçün atama baxaraq: - Deyirəm bəlkə bu gün yolumuzu "ağsu"dan salaq deyərək şaqqanaq çəkdi... Onun "ağsu" dediyi isə içki demək idi... Atam: - Nətər məsləhətdir deyərək etiraz etmədi... Bəsti xala əhvalımın korlandığını görüb: - Sanki ondan Raufu soruşan varmış kimi Rauf da indi harda var gələr dedi... Eldar əmi də Bəstı xalaya: - Zəng vur gör hardadı? Denən atan deyir tez gəlsin evə deyərək ona göz ağartdı... Bəsti xala Raufa zəng edib danışdıqdan sonra: - Birazdan gələcək! Siz buyurun süfrəyə deyərək bizi süfrəyə dəvət etdi... Kabablar çəkilmiş, süfrə qurulmuşdu... Süfrəyə əyləşib yeməyə başlamaq istəyirdik ki, Rauf gəlib çıxmışdı. O hər kəsə ümumi salam verərək süfrədəki yerini tutmuş, mənim üzümə belə baxmadan yemək yeməyə başlamışdı. Artıq bura gəldiyimə peşman olmağa başlayırdım. Yemək əsnasında atam, Eldar əmi və Rauf içkinin küpünə girmişdilər. Anam atama: - Fazil bəlkə bəsdi?! desə də Eldar əmi: - Ay qız sabah bazardır. Qoy biraz kef edək deyərək atamı yoldan çıxarmağa davam edirdi... Normalda atam ildə iki dəfə ya içər, ya içməzdi. O da bayramdan bayrama, toydan toya... Amma Eldar əmi onun tam əksi idi. Demək olar ki, hər axşam süfrəsində hər hansı bir spirtli içki mütləq olurdu... Yemək yeyilmiş, süfrə yığışdırılmışdı... Artıq axşam saat 10 idi. Atamla Eldar əmi nərd oynayır, anamla Bəsti xala divanda oturub söhbət edirdi. Rauf isə öz otağına çəkilmişdi. Mənim fındıq qurdum isə artıq yuxulayırdı... Bəsti xala: - Pəri Ləmanla yuxarı