Eşq "Pərvanə"si (Real)

Bölüm 9
... Diqqət! 18+

Qurunun yanında yaş da yanarmı bilmirəm, amma qürurun yanında eşq yanar deyirlər.... Mən qürurumu sındırıb sabahkı dəvətə gedəcəkdim... Çünki eşqimin yanmasını istəmirdim... Onunla danışmasam belə sadəcə bir mühitdə olmaq üçün orda olacaqdım... Bəlkə də sabah mənim ən pis günüm olacaqdı... Amma mən bunları gözə almışdım... *** Görüş günündən sonra Rauf mənə zəng etməmişdi... Deyəsən onu orda qoyub getməyim qüruruna toxunmuşdu. Əslində Bəsti xalanın dəvəti yerinə düşmüşdü... Axşam atam işdən gələndən sonra anam yemək əsnasında ona Bəsti xalanın dəvətini söylədi. Atam da: - Hə gedərik inşaallah - deyərək razılığını bildirdi... Süfrəni yığışdırıb otağıma keçdikdən sonra atam anamdan astaca: - Dünən nə olmuşdu Pərvanəyə?! Öyrənə bildin- deyə soruşdu. Otağımın qapısı açıq olduğu üçün hər şeyi aydın eşidirdim. Anamgil isə bundan xəbərsiz idilər. Anam: - Yox, o haqda danışmamışıq. Pərvanə danışmaq istəmir. Düzü elə sabah ona görə getmək istəyirəm. Bəlkə orda söhbət açılar - deyə cavab verdi... Qapını ehmalca örtərək bazar ertəsi verəcəyim imtahan üçün hazırlaşmaq istəsəm də beynim sanki düşünmə qabiliyyətini itirmişdi... Düzü dünənki hirsim nisbətən soyumuşdu. Sanki Bəsti xalanın dəvəti hirsimin üzərinə bir az da su səpmişdi... Daha sakit və hüzurlu idim. Amma oxuduqlarımı dərk etmirdim. Kitabı bağlayıb, yerimə uzandım. Sabahki günü düşünərək, orda məni nələr gözlədiyindən xəbərsiz özümü yuxunun ağuşuna vermişdim *** Səhər yuxudan daha ümidli oyanmışdım... Səhər yeməyini yeyib süfrəni yığışdırdıqdan sonra anam: - Bəsti zəng etmişdi. Deyir Eldar gecə gəlib. Siz də saat 5-dən gec qalmayın! deyərək atama baxdı.... Atam: - Onda siz indidən hazırlaşmağa başlayın qızlar. Çünki işiniz saat 4-ə ancaq bitər - deyə zarafat edərək hamımızın gülməyinə səbəb olmuşdu... Bir neçə saat sonra artıq Raufgildə idik... Onların evi bizim evin əksinə həyət evi idi... Çox böyük bir sahədə tikilən bu ev imarətə bənzəyirdi... Yaşıl ağaclar