a yan-yana oturdu.Yaşar qəsdən oturacağı özünə daha yaxın qoymuşdu və onların arasında demək olar ki, məsafə qalmırdı.Bütün bu "qəsdlər" Cavidanı təəccübləndirmirdi.Yaşarı yaxşı tanıdığı üçün onun bütün bunları edəcəyini gözləyirdi.Yaşar da bunu bilirdi, deyəsən bu oyunu oynamaq özünün də xoşuna gəlmişdi.Lakin, Yaşar adətən iş məsələlərində belə davranar, şəxsi söhbətlərdə belə şeylərə əl atmazdı deyə düşünürdü Cavidan.Bəs indi nə olmuşdu? Yaşar kiməsə , həm də ən yaxın dostuna nəyisə təsdiqləmək istəyir, bunun üçün dəridən ,qabıqdan çıxırdı.
Bahar onların hər ikisinə yemək çəkdi və üçü də yeməyə başladılar .Bu prosses ərzində Yaşarla Cavidan sadəcə iş haqqında bir neçə kəlmə kəssələr də bir az sonra otağa sakitlik çökdü.Bu sükutu yenə Cavidan pozmuşdu, bu kimi sükutlar ona nədənsə Mariyayla yaşadığı gecələrdən sonra ikisinin də bir-birinə üzünü çevirərək yatmağa çalışdığı dəqiqələri xatırladırdı.
-Hə, danışın görək gənclər, evlilik həyatı necə gedir?
Bahar çevrildi və yemək yeməkdə olan Yaşara baxdı.İndi və həmişə cavab vermək sırası hər zaman onda idi.Cavidan da əvvəlcə Bahara baxıb daha sonra gözlərinin istiqamətini dəyişdi.Yaşar Bahardan fərqli olaraq sualda qeyri-adi heç nə görmürmüş kimi özünü apararaq ,məlum məsələ haqqında danışmağı mənasız saymış olaraq apardı özünü.
-Ən yaxşısı sən danış.İşin necədi?
-Sən də hər dəfə söhbəti dəyişmək üçün bu üsula əl atırsan dostum, mən birinci idim və səndən sualıma cavab almaq istəyirəm.- Cavidan niyə geri çəkilməli idi ki? Yaşara fərqli rayonları ,eyni fəndlərlə oynamağın yersiz olduğunu bildirməli idi.
-Mənim danışacaq hec nəyim yoxdur.Hər şey gördüyün kimidir.- Bahara baxaraq gülümsəsə də o, heç bir reaksiya vermədi, gülümsəmə qeyri-səmimi olanda hər zaman səmimiyyətə alışan qız nə etməlidir ?
-Mən sizin aranızda aparıcı qüvvənin sən olduğunu görürəm ancaq.Nə məsələdir? Niyə Bahara danışmağa imkan vermirsən?
-Sən yaxşısı de görüm Mariya nə edir? Yazıq qızı yenə yorursan?- Yaşar mövzunu yenə dəyişərək nə